على قمة الحكيم ( الجزء الثاني )

البارت الواحد والخمسون

فاروق : لا لا ام المرايات الذهبيه .. اي عفية يله جايك

روح : سد التلفون وكف يرش عطر .. وين على الله

فاروق : الكسولة لمي ملابسي وملابسج وطلعي الجهال والباقي عليه

روح : ابتسمت كمزت من الجرباية .. اجيبلي غرفة

فاروق : اي

روح : وكفت اكمز على الجرباية .. خلي اكسر هاي حتى كلبي يبرد .. اندكت الباب بقوة

نزار : شتكسرين عوووفيها خرررب

روح : نزلت تحت الباب احجي ويا .. والله غرفة فكر وسودا ايع باوع تكرب الكلب

نزار : اصبغها

روح : فالها موزين

نزار : ابخرها

روح : حتى جنانوه بيها

نزار : اكعد وياهم احسن من الوحدة

روح : بكيفك اخذها بس مو تزوج بيها امانة

نزار : لا عمي على ركبتي اذا ازوج شني ما رايد عمري

روح : ليششش يمة

فاروق : وخري اريد احجي ويا

روح : طلع اخذة ع صفحة فجأة لزم ظهرة وكعد على القنفة

نزار : عندي انزلاق وانكسار بظهري والدريل عطلان وايدي بيها رعشة

فاروق : الخاطري ابو الزوز خوية ترضى اخوك الجبير يشتغل وانت كاعد

نزار : اي ارضى

فاروق : الله لا يرضى عليك

نزار : حبيبي الغالي

روح : طلعت جنط لميت بيها ملابسنة ونقلتهن بغرفة نرمان صارت هوسة واستحيت منها ساعتين يله خلصت لم وكعدنه اني وياها والجهال محبوسين لان اجو عمال يفتحون القديمة ويشدون الجديدة

نرمان : الجهال كسرو غرفتي لزمي سيدرا لا اموتها

روح : يمعودة اذا انكسرت المراية فاروق يبدلها .. باوعتلي صفح خربت من الضحك

نرمان : ولج تركع بالمراية بساعة حكيم هسه تكسرها

روح : انتِ عليمن هيج صلفة سيدراااا

كنان : عليج

روح : تربية فاروق ما اعتب عليك

نرمان : هذا ابني الحلو تربيتي

روح : لا عفية اغار تربيتي هم

كنان : محد مربيني

روح : الاعتراف فضيله ابن فاروق

نرمان : بلكت يخلصون طكت روحي من الحبسه عندي امتحان

روح : نرمان الطب يخوف ؟

نرمان : اسواء من كوابيسج

روح : يمممممة

نرمان : تدرين عيد ميلاد فاروق بعد كم يوم