ظــلام الـشامخ " الأصلية "

part 34

الووو

زينب : هلا يمه شلونج

ميار : زينه أنتِ شلونج

زينب : شبي صوتج جنتي تبجين

ميار : لا ما أبجي

زينب : اعرفج من صوتج شمالج شصاير

ميار : ماصاير شيء بس رأسي يوجعني ودايخة ضليت أبجي من عندة ليضل بالج

زينب : اجيج أخذج لطبيب

ميار : لا حبيبتي المن جايه مابيه شيء هسه أصير زينه

زينب : بالج ع نفسج يمه

ميار : إن شاءالله حبيبتي

زينب : سلميلنا

ميار : إن شاءالله ..
سديته شفته صافن عليَ گام لبس تشيرت

ابو درع : الوو تسمعوني أجبب

- نعم سيدي

ابو درع : فد سـاعة ونرجع

- براحتـك

ابو درع : گومي بدلي خ أخذج للمستشفى

ميار : مابيه شيء هسه أصير زينه

ابو درع : گـومي ترى طـافرة روحي

ميار : ايييي ماريد بشنو غاثـتك هسه ..باوعت بعيونه خزرني وگام طلع من الكنتور صاية وشال شمرهن عليَ

ابو درع : حـرف زايـد إذا طلع من حلـگج وشرف محمد اگوملـج گوا صابر عليج ما أجنزج

ميار : نزلت دمـوعي من القهر ومنا رأسي راح يطگ ضليت ألوب ضـل يـستغفر وطلع برى لبست الصاية والشال ونزلت جوى لگيته منتظرني

رحمة : ياااعع شمالج ولج

ريحانة : خ اجي وياكم

ابو درع : المن جايه بسرعة ينطوها علاج وارجع

رحمة : ولك شبيهن عويناتها ابن الخايس

ابو درع : استغفرلله

رحمة : يفيدنك بعد طوايفي

ابو درع : يلا تعاي

ميار : طلعت ورا وصعدت بالصدر خليت رأسي ع چامة وعيـوني تصب من وحدها ماعرف نزلت الجامة اريد أتنفس رجع صعدها من يمه صدگ ضوجني ..

ابو درع : مو مشغل تبريد لو عنـاد

ميار : عليمن عناد غيـر مختنگة