ظــلام الـشامخ " الأصلية "

part 24

- بـقلمي : حَنين الـ زُهيـري .

- التصويت والتعليق للإستمرار 🤍.

- متابعة الحـَساب .
________________
‏ما متَعود اگضي أيامي
من دونَك
خل يُطفالي كلشيءِ ولا ضوَة
عَيونك
ياريتَ النَاس كُلها تعوَفني بِحالي
وبَس انتَ
وحلاتَك ترهُم گـبالي .
_________________

حُـر : حضروا صدمات كهربائية

فواز : يلااا

سرور : راح فواز استمر يضرب صدمات كهربائية بس ماكو نتيجة وحُر مستمر يشيل بالورم

الممرضة : المريض مجاي يرجع الوضعة

حُر : اشش خ أكمل شغلي لاتوتروني

فواز : گوم حُـر صدگ جذب العملية خطيرة حيل والمكان حساس جداً لذلك الدكتور الي بغداد ما ضامن نجاح العملية لذلك الرجال عرف بنفسه راح يتوفى فـ وصة بنته تسويله العملية

( إنَ لله وإنَ إليه راجعون )

ميار : گام حُر وانا صفنت ع وضع

الممرضة : البقية بحياتج دكتورة

ميار : گلتلها بدون وعي .. شنو البقية بحياتي انتُ ماعرفتوا تنجحون بهالعملية مو اني اختاريت دكاترة شاطرة حسيت راح ننجح أبوية هذا الي بالسدية مو أحد غريب ليش هيج ماعرفتوا تسيطرون ع وضع هااا سرور مو گلتي انا وياج خطوة بخطوة خلي نحاول سوى اكيد ننجح أبوية يريد أعالجه هوَ گلي اريد بين إديج حتى أشم ريحتج گال اعرفج تنجحين بعمليتي ليش اخيب ظنه سرور گومي حبابه

سرور : ميار تحجي ودموعي طيح من وحدها ... ميار توفى والله مابدينا شيء الله كاتبله يموت هيج ،

ميار : لا سرور أبوية هذا شوفي يصيحني أكمل وخري

سرور : أحسها موبوعيها جريتها من أيدها بس عتتني وراحت ع كرسي تبوس برأسه وأيده ووعيونه

ميار : يلا بابا مو تگلي عزيزة روحي يلا گوم وياي فدوه شلون أعيش بدون ما اسمع صوتك حاجيني بابا ادري بيك تسمعني لا تغلس تعرفني اضوج من هالسالفة يلا يلا گوم وياي

سرور : جرت ابوها من أيده وتريد تگومه بس لاحياة لمن تنادي .. ميااارر خلص اصحي شبيج

ميار : سرور شوفي شلون يحرك بجفن عينه يشاقة وياي ماميت أبوية اعرفه من انا وصغيرة يلعب وياي هيج يجذب علي