نجوم محرقة وليل "دامس"

part 33

#نجوم_محرقة_وليل_ دامس

للتواصل انستگرام :- ze8.h
الواتباد :- zai9_hr

تصويت أبين الفقرات لطفاً ♥️.

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁
يعيرني بـمرض روحـي ولا جن المرض منـه
𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁
آسيا ::-

::- هاهي ستفصلين ألبس بس كضي ابنچ ليدحس
خشمها بيها ..

- شيگول المصلحتج .

عفتها وطلعت .. جاي تخبز وبابا بعده
صوت الحديد كل شوي مشمور شي ، واكفة وياه البلك تليفوني على شحن حاشكة روحي بين الحايط والبوفية ظهري على حايط كل شوي ونخمش گـــلبي اخاف بابا يجي ويشوف جاي أتصفح بالفيس هو كلشي ماعندي جاي اكلب بالمنشورات بس گـــلبي عبالك دنبگ من حركتي افز ،

وگع تليفون من ايدي رجلية بادت احس اجمدت اريد
اركض على صوت بابا العاط وماما طلعت ثوبها مترب طحين تركض للطارمة تجاه صوت بابا ، مادري شلون اجتي القوى دنكت رفعت تلفوني سويت للفيس إزاله ورحت اركض هستوني وصلت للباب وامي عاطت

- لاااااا عــــمر يمااااا لاااااااا ..

وكعت امي تلطم وبابا الحار يخطئ خطوه يريد يركض للباب ويرجع يرجف رافع أيدينا يعصر براسة
ركضت بكل روح فاره الامي أصيح ..

::- عـــمر شبي يمااا شببببي عمررررر .

لطمت على وجها تبچي متخبله وبابا ركض فك الباب وطلع يركض بكل سرعته لشارع ..

::- يمه حاجيني فدوه عمر شبي اااخوووي ووووين .

- مصوب بين الحياة والمـــوت اخوچ مصوووب .

ولطمت على وجها تصيح انسحنت روحي اريد احچي
حلگي اشلل چن انبلع الساني كاعده وامي بحضني بس صوتها يتردد بمسامعي .

- عـــمر يما عمر سود الله وجهي يمه بيه ولا بيك من
ريت البيك بيه يماا عزيزي عـــموري يمه ..

دگ وتلطم ماتحملت حضنتها ابچي واشهك طبكت
سياره طب بابا وجها مخطوف كلام بطرف السانة بــس خانة ماكدر يحچي گوة رفع ايـــده ..

- بسرعة گومن لبسن تكسي بالباب .

كومت امي جبت عباتها وشحاطتها واني عباتي وركضنا دقايق نزلنا باب المستشفى ابوي كدامنا واني لأزمة امي ونركض أشر لنا بابا .. مصعد مسدود رحنا نركض على درج تليفون على إذنه كل شوي وخابر .. لحد ما صعدنا .. بابا ركض وامي على اخر نفس تلهث فحطانة تجر بنفسها جر جفنها ورم دموعها مابطلت تلالي بعينها وعــمر يماا ماهدت حلگها ..