‎"احتليتِ القَّلب وصعب من يحتله "

14

بعد دقايق وصل العم مسفر وعياله وعثمان وعياله ~
همس بفرحه : مرره متحمسه اشوف وجه هتان
عثمان : هتان؟وش الاسم المدلع
همس بضحكه : والله حلوو!
عثمان بضحكه : لو انها سمته مسفر احسن
همس : خير ورع واسمع مسفر!هههههههه
دخلو لقسمها بفرحه
في غرفه كنوز ~
عايض : يلا يكنوزي بطلع انا اهلتس بيجون
كنوز ببتسامه : تمام الله يحفظك
حصه الي فتحت الباب ببتسامه : مبروك ماجاتس يكنوز!
كنوز ببتسامه: الله يبارك فيتس يمه
حصه : وش بتسمينه؟
كنوز : هتان حلو صح؟
حصه : اي
قاطعهتم همس الي دخلت بهدايا جايبته لنونو
همس : كنوزز وحشتيني!
كنوز الي فكت المغذي وقامت بتحضن اختها قاطعهم صوت الممرضة الي دخلت وحذرتها ماتفكه لو يصير اي شي
كنوز ببتسامه : اكثر!!8شهورماشفتس وينتس ماتجين
همس : شسوي عندي لكم خبرر يجنن
حصه بفضول : وش هو؟
همس : انا حامل وببنت بعد
كنوز بصدمه : اما عاد ي البزر!
همس بضحكه : والله
كنوز : اجل خلاص نزوجها هتان واوو
همس : تمم هههههههه
بعد 5 دقايق تقريباً دخلو ال مسفر
غزلان ببتسامه مبرووك!
كنوز : الله يبارك فيتس
غزلان : كيف النونو بخير؟
كنوز : اي الحمدالله بخير
غزلان ببتسامه:يمديهم يجيبونه؟
كنوز : ماتوقع يقول اذا بتروحين خذيه اما الحين لا
غزلان : تمام اجل ماعلينا
كنوز : الابسألتس يغزلان
غزلان ببتسامه:سمي؟
كنوز : سم الله عدوتس شفتي من كب الزيت؟
غزلان بقهر : تخيلي طلعت الجوري الي كآبته!
شهقّو البنات بصدمه وقالت همس : الا يابنت الكلب تسوي كذا ب اختي وتحسبني بسكت لها
كنوز وهي تحاول تخفي حزنها : كيف دريتي انها هي؟
غزلان : يوم دخلتي المطبخ تبين تجهزين الكاسات كنت في الصاله جالسه يوم رجعت الزيت حسيت ان وراها بلا بس ماتوقعت تسوي كذاا!
كنوز بقهر : الله ياخذها يارب
غزلان : امين
صدو البنات وقعدو يسولفون ومعد بقا على رمضان الا يومين وكان كل رمضان عندهم يروحون الديره ويعيشون اجواء رمضان
بعد ساعات طلعو اهل عثمان وأهل مسفر ومابقي معها الا عايض عايض : تبين اجيب لتس هتان تشوفينه؟
كنوز : غريبه وافقو؟
عايض : أجيبه لتس؟
كنوز بحماس : اي
راح عايض وجاب ولدهم وكان طالع على عايض ب الطول والغمازه والخشم الصغير على كنوز
عايض : شوفي كيف يشبهني بس
كنوز ببتسامه : تخسي يشبه امه ولدي🌚
عايض : بس الغمازه والخشم غيرها تعقبين ههههههههههه
كنوز الي ابتسمت ونام ولدها بجنبها وقعد عايض يتأمل عائلته الصغيره الحلوه البسيطه..
في بيت ال ثنيان ~
نجلا : شلووون تغصبوني على واحد مابيه!
هدى : اعرف مصلحتس يابنتي وذا من أطيب الرجال
نجلا : يخسي والله!
هدى بعصبيه : روحي بس بيجون ضيوف وتعالي ساعديني
نجلا : ومين الضيوف ذولي !
هدى : مدري عنهم ماسألت ابوتس
عند نادر الي راح لبيت الجد ياسر وكان يحسبها تعيش هناك وسال وين بيت ثنيان لأاجل يخطبها من ابوها
عند الرجال ~
فايز ببتسامه : ماني مطول عليك جاي اخطب نجلا بنتك على سنه الله ورسوله
ثنيان : هذي والله الساعه المباركة بس البنت متملكه على ولد خالها ، نادر الي حس انه كره الدنيا كلها يوم سمع الكلمه ذي
ثنيان ببتسامه : انت نادر الي جبت بنتي!
نادر : اي طال عمرك
ثنيان ببتسامه : اجل تحرم لواحد غيرك
نادر الي تقدم وباس راسه وقال بحب : جعلني قبلك ياعم!
ثنيان ببتسامه : بنفسخ الخطبه وتقدمو رسمي مره ثانيه
نادر : انت لو تبيني اجي مليون مره ماعندي مشكله!
تعشو وراحو لبيتهم
عند هدى وثنيان
هدى : وين اودي وجهي عند اخوي الحين!
ثنيان بعصبيه : اقصري الصوت وقلت علمتس من الاول اني ماابغى ولد اخوتس الرخمه ذا
هدى الي راحت تنام وسحبت عليه تحت انظاره
"في بيت مطلق وغزلان "
مطلق اول رمضان معتس ياغزلاني
غزلان ببتسامه : وأحلى رمضان دامني معك!
مطلق يقول محمد بن فطّــيس |
وباقي كم شهر ويدخل الصومم
لايذبح الموضوع قل اهتمامك

طعني وشوف لك شيخ يفتليك اليومم
ماضنتي يازّين يقبل صيامك

ريقك ععسل علمني شلون بتصوم 🌷
غزلان بحُب : ذا كله لي؟
مطلق ضحك وقال : اي ذا كله لتس
طلعو ماسكين خط لديره تحت اغاني خالد عبد الرحمن
بعد يومين ~
عثمان : اطلعي انتي وياها معد الا ساعتين على الفطور وحنا ماحركنا
اصايل : يبه شوي قاعده اضبط شكلي!
عثمان بحده : مايحتاج اطلعي بس
طلعو لديره متوجهين لبيت ال ياسر الي كانو يجتمعون فيه في الجازات بعد كم ساعه وصلت سيارات ال ياسر وأحفادهم وامتلى البيت ب البزران
في المطبخ ~
همس : رهف امسكي ودي السمبوسه برا والفيمتو مو فاضيه
رهف ابشري طلعت رهف ومعها الأكل وكانت لابسه برقعها ومتضبطة
حمود : بنفطر كلنا برا زي زمان؟
رهف : اي داري انت تبي تسولف الله يصلحك
حمود الي ضحك وقال : شدراتس !ههههههه
رهف ببتسامه : خابرتك
طلعو ال ياسر وافطرو فطور جماعي كلهم
بعد ساعتين صلاه التراويح ~
عايض الي خذا سلطان وراح للمسجد مشي وفاجأه طفله صغيره بعمر 5 سنوات معها ورقه طنشها عايض وراح يصلي بس بعد المسجد راح يدور لها جاه فضول مو طبيعي
عايض : وين راحت ذي مسرع!
رجع وامااهتم لسالفه مره
عند العيال ~
خالد : يعيال فيه دبابات بجنبنا نروح ناخذ ونجيبها هنا؟
مطلق وياسر وحمود في نفس الوقت : تمم
خالد : مشينا
طلعو ياخذونها لااجل يستانسون
خالد : خذيت 7 بحط عند الحريم 4 وحنا 3 تكفي
مطلق : اي وواجد بعد
عند الحريم ~
خالد بصوت مرفوع حد يطلع لي
الهنوف الي خذت جلالها وطلعت له
خالد ببتسامه خفيه يوم عرف انها هي : ها خذو ذي واسانسو
الهنوف ببتسامه : مشكور!
خالد : مابينا
لفت الهنوف تبي تروح وقال : الهنوف
الهنوف : لبيه؟
خالد الي ضاع بعد كلمتها وقال خلاص ولاشي
ضحكت وراحت تعلم البنات عشان يلعبون
عند همس ~
همس بعتاب : وش ذا ي احمد معقوله مااشتقت
احمد وهي يركب كفر السياره : اشتقت بس ارسل لحد مايبني؟همس بزعل : ومن قال اني مابيك!
احمد : طيب لو اجي اخذتس بتروحين معي؟
همس : اي
احمد الي استغرب من ردها وقال بفرحه : تمم جايتس
همس : هيي امزح ممداه يسمعها الا قفل في وجها
طلعت تجهز ملابسها وعلمت اهلها انها بتروح >
عند العيال الي كانو يلعبون طايره
عبدالعزيز : جده قومي العبي ههههههههه
تركي : اي والله قومي حلفت عليتس
ساره بصوت مبحوح: الورعان خبلان تحسبني متعافيه زيك ؟تركي : لا بس قومي حلفتتت ههههههههه
قامت الجده وبدو يلعبون بخفيف وفز تركي وشلها
كفوو بنت سعيد كفو
الجده ساره بضحكه : نزلني ي الورع
تركي : ماني منزلتس خذاها ودخل قسم الحريم
ثريا : كن ذي امي الي على راسه!
نويّر : اي والله امي ههههههههه
الجده ساره : قومو افزعو لاامكم
اصايل : احتزمي جاتس حفيدتس
فكت يد تركي ونزلتها
الجده : كفو كفوو
اصايل الي باست يدها وانسدحت في حضنها
عند العيال الي كملو لعب ودخلو معهم
غزلان ورهف والهنوف وريما ولميس ونجلا
عايض : اختي معي اكيد!
مطلق : دزها بس زوجتي معي
عايض : من تبين ي غزلان!
غزلان : زوجي
مطلق : كفوو ههههههههه
عايض الي تفشل وصد يلعب وهو مطنشهم
جا الدور عند حمود الي يكبس وكانت قدامه رهف
ماعرف وش يسوي وطشّها بهدوء
ياسر : وش ذا اللعب ههههههههههههه
حمود بضحكه : ب الغلط مانتبهت ههههههههه
ياسر : علي انا تسوقها !هههههههههههههههههههههههههههههههههه
حمود الي راح يودي امه المستشفى الي كان معها مرض القلب وكان خطير جدا عليها وماكان احد يهتم الا حمود فقط

وبكذا خلص البارت شرايكم على السريع صح بس ان شاءالله انه عجبكم 😢 بنزل في اليومين مره هذا الاسبوع عشان الاختبارات💔.