‎"احتليتِ القَّلب وصعب من يحتله "

13

بعد 5 شهور في بيت كنوز وعايض
كنوز : افف تعبت!
عايض وهو منسدح : اجلسي لعد تتعبين نفستس لو تبين اجيب لتس عامله ابشري بها،كنوز: لامايحتاج عادي
عايض : تبين اجيب لتس شي من السوق
كنوز : لا اسمع لاتروح الحين يقولون بيجي مطر قوي!
عايض : بيجي مطر قوي ولاتخافين ؟ ههههههه
كنوز بضحكه : كلها
عايض : اجل ابشري بقعد معتس
عند همس واحمد الي كانو مسافرين برا الممكله في قطر يتمشون ويعيشون حياتهم ومبسوطين جداً
همس وهي حاطه راسها عند كتفه احس مو مصدقه سنتين احلم اتزوجك ونعيش حياتنا
احمد : كلناا يهمس يكثر الحب !
همس الي لفت عليه وقالت : شرايك نسمي بنتنا نجد؟
احمد : الي تبين انتي اختاري الاسم ا
همس ببتسامه: معجبني نجد مررره الا شرايك نطلع نتمشى برا؟احمد:تم مشينا وين تبين نروح؟
همس مدري طلعو وراحو لمول *فيلاجيو*
همس بغيره : شف كيف يناظروك صددد!
احمد وهو يضحك: شوفي كيف تناظر ذيك المزهه
همس بزعل قامت ورجعت الفندق ونامت من القهر
احمد : يوه شفيتس امزح والله هههههههههه
همس بعصبيه : تمزح فارقني بس!
احمد : تغارين؟وانا كلي لتس؟
همس : شلون مااغار وهي تطالع فيك نظرات إعجاب!
احمد : ماعلي منها يعني بتزوجها مثلاً؟
همس : لابس روح مابفتح لك
احمد : اكسر الباب يعني
همس : اكسره
قرب احمد يبي يكسر الباب وقاطعه صوتها
يوم خلاص بفتح فتحت الباب وعطته ضهرها وراحت تمشي
قرّب منا احمد بسرعه واعتلاها
همس : نزلني ي البزر بطيحح
احمد: اول شي ارضي بعدها افكر
همس : خلاص رضيت
احمد : لا عطيني بوسه واتأكد
قربت همس وقبلته بهدوء وبعدت
احمد :
حلفت مااحب غيرك من الناس مخلوق
ي مالك قلبّي ترى القلب يغلييك ..

عطيتك عهد مني مصدوق وموثوق
ماحد غيرك في حياتي يساويك ..
ابتسمت همس : صح لسانك 😢
احمد : صحح بدنتس
همس : اسمع جات اجازه الترمين ويتجمعون عماني هناك عادي توديني؟احمد : اي بس بتطولين اكيد !
همس : اي 10ايام واجي
احمد : كثير بس اذا تبين تروحين ابشري
همس : احبكك!
احمد : اعشقتسس❤️!
في بيت اهل نادر
تعريف بسيط عنهم ~
فايز : عمره 47 متزوج ببدريه ..
نادر : البكر ملامحه حاده لوا وعمره 27 عنده توأمه النادره
النادره : متزوجه وتؤام نادر كانو جداً يتشابهون وعليها بنت صغيره عمرها سنتين
كادي : اخر العنقود عمرها 19 تدرس اول جامعه ..
في بيت اهل نادر
نادر الي كان منسدح وجاته فكره انه يخطبها فز يركض عند ابوه وأمه الي كانو جالسين
نادر : يبه بتزوج🙂
فايز الي انخرش منه وقال بعصبيه : جايني تبي تتزوج وانت ماسلمت حتى!
نادر دخل مره ثانيه وقال : سلام عليكم
ضحكو كلهم وقال : يبه ابي اتزوج قبل ماتروح مني!
فايز ببتسامه :من تبي؟
نادر : وحده عايشه حول وادي الدواسر
فايز : بعيده من وين عرفتها!
نادر : الي علمتك بسالفتها قبل 5 شهور
فايز : اها بنت ثنيان ابن ياسر؟
نادر : ايه
فايز : خلاص مهرها جاهز وكل شي جاهز نروح بكره ونخطبها لك يوليدي
نادر بحماس : تمم
عند نادر الي طلع يجهز وماكان يدري ان نجلا انخطبت من علي ولد خالها
في بيت غزلان ومطلق
مطلق : غزلاني انا طالع بروح الدوام
غزلان ببتسامه : الله يحفظك يدنيتي
سكرت الباب وراحت تكلم اختها جيلان
جيلان : بنزل سلطان عندتس ترا
غزلان : اي تكفين جيبيه مشتاقه له حيلل
جيلان : افتحي الباب
غزلان : طيب يمكن مو في البيت او مابيه تجيبينه بعدها تسألين ؟ههههههههه
جيلان : ولد اختس غصب تمسكينه
فتحت غزلان الباب وحضنته
غزلان : وااه ي الريحه تجنن!
سلطان الي بدا يتكلم ويقول ماما
غزلان : انا مو ماما ماما جيلان ههههههه
غزلان : شرايك نفلها ونشغل السماعه ونرقص
سلطان الي ضحك وماهو داري وش تقول بس يضحك
غزلان الي شغلت الانوار الي يتغير الوانها احمر واخضر وازرق وشغلت السماعه
شفت الفار السندق اللي اكل البندق
فوق سطح الفندق شوفت القطه
النو اكل الفار السندق اللي اكل البندق
كانت تصور وتستهبل وترقص وهي تضحك
قاطع ضحكهم دقه الباب فتحت الباب
مطلق بضحكه : داخل ديسكو انا؟ هههههههه
غزلان ببتسامه : تعال والله اجوا حلوه داخل
مطلق الي دخل يوم سحبته غزلان وقال
الشيخ موجود
غزلان : اي موجود ههههههههه
مطلق الي خذا سلطان وبده يبوسه
غزلان بغيره: وانا مالي بوسه؟
مطلق هاتي وجهتس النيّر
قبلها على شفتها غزلان : يووه موجود بزر معنا!
مطلق : معليه عادي ههههههههههه
غزلان : ليه جيت مارحت لداومك!
مطلق : الا بس نسيت جوالي وجيتس
غزلان عطته الجوال وراح وكملت لعبها مع سلطان..
في بيت ال راشد ~
غدي : والله وكبرتي ي البزر علمني احمد انهم بيجون يخطبونك،غزلان شفتي كيف تزوجت وانا بعد في الثانوي
غلا :  وعوهه مااداني الزواج مدري ليه قرف هههههه
تهاني : ياييي قرف!
غلا : اي الا صدق همس طولت وماجات وينهي
غدي : يقول احمد انه وداها لااهلها
غلا : اها والله بيت مو حلو بدونها
غدي : انشههد
في بيت كنوز وعايض
عايض : كنوزي تروحين معي للعشاء
كنوز : مالي نفس تعبانه
عايض : الا تعالي طفش في البيت واخاف عليتس
كنوز ببتسامه : خلاص ابشر
لبست كنوز وطلعت له وراحو عند اهله
في بيت العم مسفر
الي كانو الجوري وامها موجودين وقد تصالحت امها مع ساره وكانت تفكر بخطط جهنميه وتبي تطيح ولد كنوز الي بطنها ب اي طريقه
غزلان : بنتت شوفي جوري كيف تعاين فيتس
كنوز : اي يع مدري شتبي
راحت كنوز المطبخ ولحقتها جوري وكبت زيت لااجل تطيح كنوز وراحت جلست عند امها طبيعي
كنوز الي كان معها فناجيل القهوه وجات وزحلقت وطاحت الفناجيل وتكسرت وبدا يينزل دم من تحت واغمى عليها
غزلان الي دخلت وشافتها وبدت تصيح وتبكي
عند الحريم الي فزو خايفين ويشوفون وش صار
غزلان : كنوزي قومي وش صار بتس
غزلان الي دخلت قسم الرجال وماكان فيه احد الا مطلق وعايض وياسر فز عايض برعب  : وش فيتسس!!
غزلان وهي ترتجف : كنوز زحلقت على بطنها ونزل دم منها قام عايض وهو يحس الدنيا سوا خذاها وطول الطريق يصحى فيها بس مافيه فايده ولاترد عليه
"في المستشفى"
تكفون افزعو لزوجتي لايصير بها شي!
الدكتوره برعب : وش صار لها!!!
عايض بحزن : زحلقت على البلاط وهي في الشهور الاخير تكفون ولدي لايروححح
الدكتوره الي خذت كنوز ودخلتها الطورائ وسو لها عمليه تحت انظار عايض الي يناضر كنوز مع القزازه وكان يدعي مايصير بها شي
بعد ساعات طلعت الدكتوره وقالت بفرح
زوجتك ولدت وجابت ولد ولاده مبكره بس الحمدالله ماصار فيها شي
عايض بفرحه سجد شكر لله وقالت الدكتوره مبروك وراحت
عايض ببتسامه : عادي ادخل عندها؟
الدكتوره : اي بس لازم ترتاح نص ساعه ب القليل
عايض بفرحه : تممام
عايض الي دق على اخوه ياسر ورد
ياسر : ارحب ي العضيد
عايض بفرحه: البقى
ياسر : وش صار عليكم
عايض ببتسامه : ابشرك جاني ولد
ياسر الي فز بفرحه وقال : انت صادق!!
عايض : اي والله بتصير عم!
ياسر بفرحه جايك ومبروك ماجاك
مشى ياسر هو وامه وغزلان وابوه موجهين للمستشفى
في بيت ال عثمان
همس بفرحه : يمه كنوز ولدت
حصه بفرحه قد علمني ابوتس وترا بنحرك لديره
همس بحماس : يسسس مشتاقه لها حييل كنوز منزمان ماشفتها!اصايل واو بصير خاله 😢
همس بفرحه : اي اي يلا خلونا نروح لها
في غرفه كنوز في المستشفى ~
عايض : كنوزي قومي
كنوز بصوت تعبان : تكفى لاتقول ان مات ولدي!
عايض : كنوزي مافيه شي ولدتي وبخير ولدتي الحمدالله بيطلعونه معنا اذا رحنا لبيتنا
كنوز بفرحه : الله الحمدالله يارب
عايض ببتسامه : كنوزي كيف طحتي؟
كنوز : مدري كان مكبوب زيت ومشيت وطحت من عنده
عايض : من الي كابببه!
كنوز : م ادري والله غزلان كانت في الصاله اسألها
وبكذا انتهى البارت ان شاءالله انه عجبكم حقدت على الجوري اكثر من قبل 🤨🔪 يمكن أنهيها في البارت 17 لان احس بتسمج لو أطولها لاتنسون النجمه يحلواتي 🌷⭐️