مُهره:لا والله مااخذت والله هي وحده وخلص مفعولهه والله خلص
دگت روحهه بالگاع شايله اديهه تراوي رجفتهن
مُهره:شوف گامن يرجفن يعني راح مفعولهه والله راح
باوعلهه بقهر افتر حوالين روحه قابض ايده ورد گعد گبالهه كض اديهه يمنع رجفتهن والثانيه مدهه يمسح بعيونهه
مُهره:مااريد بعد والله هذا هوه اتعالج والله اتعالج بس لا تاخذني هناك اموت والله ثابت اموت
هز راسه يأكد كلامهه جرت اديهه تمسح بعيونهه وزحفت طبت بحضنه
مُهره:علمتني عليك علمتني تدري مااگدر انام اله هنا
ثابت:عساني بالحرگ
شبگهه لگلبه يهديهه گومهه مچلبه بهدومه رد بيهه للجناح وگفت بالباب اباوعلهم عيوني ماترضه تسكت گعد متربع على الچربايه تمددت بصفه حاطه راسهه بحضنه كاضه اديه تهز بروحهه صارت سنطه شويه وردت حچت بهمس
مُهره:ثابت
ثابت:سنين ثابت المضن والجايات
مُهره:انتَ مو تحبني؟؟
ثابت:حياة ثابت ماالهه طعم بدونچ
گعدت تباوعله عيونهه تتوسله
مُهره:اطيني حبايه حباب أخر مرا والله بعد مااگلك بس هالمرا واتعالج بعد
يباوع لعيونهه دمعته بطرف عينه شبگهه لامهه بحضنه
ثابت:عسى وجعچ بگلبي عساني بالحرگ بيوم الفكرت وجبتچ
مُهره:چذاااب ماتحبني چذااب لو تحبني مايطيك گلبك تشوفني انوجع وداوي بيدك وتعوفني الوجع ينهش بروحي ثابت جاي اموت
تدگ على صدره وتهمس بحس رايح
ثابت:الله ياخذني
ضل يسكت بيهه ويحاچيهه بهدوء لمن گامت تغفي كلساع تطگه على صدره لو تغلط علي وهو ساكت عيونه تشرح وجعه نامت مچلبه بي چن يريد يطير تقدمت القهر ماكلني
خوله:انام يمهه؟؟
هز راسه بنفي وباوعلي
ثابت:من تنزلين اطي خبر لسنان يوزع الزلم مثل ماگتله مو ينسه
هزيت راسي وگعدت يمهم شويه شفته نعس عفتهم ونزلت أشرت لسنان واگف بالحديقه اجه يركض منزل راسه
خوله:ثابت يگول مو تنسه وزع الزلم مثل ماگايلك
هز راسه ب اي راد يروح رد يباوعلي بحسره
سنان:شلونچ؟؟
خوله:زينه
تنهد بقهر
سنان:ماصارت زينه؟؟
على مُهره هزيت راسي ب لا
سنان:بعدهن يغثنچ؟؟
أنت تقرأ
مُهره الشيخ ثابت
Mystery / Thrillerهيَ مهُرةٌ عنيده لا يُمكن ترويضها بسهوُله وهوَ شَيخٌ ضالم لا يهابُ احدً بل الجميعُ يهابُه الاثنانْ مزيجٌ صعبْ لايُمكن وصفهُما هُما كَ أقطاب المُغناطيس المتشابهَ كُلما تقابلا تنافرا أكثر _بقلمي :الكاتبه مريم (MRsh) #ماعندي مانع بنشرهه بااي گروب او...
الحلقة الثالثة والعشرون
ابدأ من البداية
