مُهره الشيخ ثابت
الحلقه الثانية والعشرون
بقلم:مريم(MRsh)
يوزر الواتباد:muv_a2
متابعه/تصويت/تعليق بين الفقرات لُطفاً...
-أقدارَنا مُخلتفة لكنْ النهايه واحدة
"""""""""""""""""""""""
مشهد من الحلقه السابقه..🦋
مُهره:حباب بس وحده والله اموت بدونهه والله ماتدري بالوجع ثابت ماينحمل والله
شبگهه لگلبه بتك ايد عيونه تصب دموعه تنزل على شواربه مد ايده الثانين لجيبه طلع علبه صغيره فتح قبقهه بااصابعه الترجف جر چفيته نزعهه وحط بيهه شويه من اللعلبه دناهه لخشمهه دفعت ايده شمر اللعلبه وكض ايدهه مانعهه تتحرك خله الچفيه على خشمهه دقايق هدت ذابه روحهه بحضنه مثل الميت
گعد على حيله يباوعله بقهر شفايفه ترجف تدنيت بحذر خايفه تگعد بعدني مامستوعبه الموقف شال راسه باوعلي بعيون مغورگه
ثابت:مدمنه خوله مدمنه
عگدت حواجبي مافهمت مسح عيونه ورد كمل
ثابت:الدوه التاخذه مخدرات طلع مخدرات
يتبع....🐞
""""""""""""""""""""""""
سمر:فتحت عيوني بوجع حلگي ناشف وعرگانه وجسمي متكسر تكسر الوجع ما ينحمل التفتت جنان نايمه بصفي انه نايمه بغرفتهه صار يومين مارضت انام بغرفتي چيف مااگدر اتحرك لوحدي
مديت ايدي الصاحيه هزيتهه تأفأفت واندارت للجهة الثانيه منزعجه شلت روحي اللوب الوجع كاتلني ايدي وراسي ورجلي وبطني حتى ضلوعي توجعني باوعت للشباك مبينه من ورا البرده ضلمه دنيا ليل نمت من الضهر ومادريت بروحي
التفتت بصفي ادور على ماي حلگي ناشف مثل الخشبه ماكو ماي الدولكه فارغه التفتت لجنان بسابع نومه تنهدت بقهر مااگدر اگوم من رجلي ملفوفه
چلبت براس الچربايه بيه مابيه وگمت مشيت اگمز على تك رجل رحت للثلاجه لگيت بيهه بطل طلعته وشربت انداريت راده للچربايه بعدني ماگاعده سمعت صوت احد يهمس بااسمي برا مبين خيال رجلي من جوا الباب بلعت ريگي واللتفت للجنان بسابع نومه حسبالي شاجور
تقدمت على كيف خايفه حطيت اذاني على الباب اتأكد من السمعته رد الصوت يتكرر يصيح بأسمي بهمس توسعت عيوني مرعوبه مو صوت شاجور حطيت ايدي على المقبض سميت بسم الله و فتحت الباب محد اكو
چاا منين الصوت؟؟؟
يجوز اتخيل طلعت راسي باوعت منا ومنا الطابق الفوگ كله فارغ بس انه متاكده سمعت صوت وصاح بااسمي تشجعت ومشيت اگمز مچلبه بالحايط لجناح شاجور اگله على السمعته وصلت نص الدرب وتذكرت الليله ليله فرحه نايم يمهه عضيت شفتي بقهر باوعت للدرج مااگدر انزل خاف اطيح
أنت تقرأ
مُهره الشيخ ثابت
Mystery / Thrillerهيَ مهُرةٌ عنيده لا يُمكن ترويضها بسهوُله وهوَ شَيخٌ ضالم لا يهابُ احدً بل الجميعُ يهابُه الاثنانْ مزيجٌ صعبْ لايُمكن وصفهُما هُما كَ أقطاب المُغناطيس المتشابهَ كُلما تقابلا تنافرا أكثر _بقلمي :الكاتبه مريم (MRsh) #ماعندي مانع بنشرهه بااي گروب او...
