روح في بحر الظلام

الحلقة الخامسة والستون

من اول يوم وهي تنتهز حتى اضعف الفرص حتى تأذيني وتحقرني وتنتقص مني شبعت منها اهانات وضرب
لكن صعب علية اخذ اشيائها وان كنت مرغمه
اكره كلشي يخصهم حتى الماء بهذا الحمام احسه مؤذي اسبح واني عاقجة وجهي منقرفة من نفسي ومن افكاري

جلست على طرف البانيو صاافنة وكأن عقلي فز واستوعب الصاار امسس استذكر كل التفااصيل

اتذكرت رجفة گلبي المرتعب من دخل عليه
قشعر بدني من اتذكرت صوت الرصاصات 
استفانوس وهو يودعني بجيت ودعيت

:ياارب انــتَ تعرف اني مااكنت راح اسوي الغلط ولاا اروح وياه لاا تتركه ياا الله خلصه من بين ايديهم

بچاني موقف كسرت خاطره
لماا غادرنا بيت استفانوس مد لي ايده والتفتت منتضرني الزمهة بس انــي كتفت اديه وماا لزمته قبض ايده وتنهد وصار يمشي ويردد صبرك ياا الله

مااسويت لا غلط ولا حرام بسس ردت اطلع من هذا المكان
..
طلعت من الحمام لابسة ملابسي وحاطة المنشفة على راسي

كان هسة صاعد الدرج تقدم علية سحبني لغرفة اطفالة وغلق الباب
وخرت ايدي منه وابتعدت

:صعدو فراشج ومخداتج راح يفرغوها الج

:بكيفك

:راح ترتاحين اذاا مليتي اصعدي للسطح كلش حلو وبي مرجوحة وحديقة صغيرة واني ماساجنج راح اطلعج واخليج تخابرين اهلج
واي شي تريدي اطلبي من هناء واذا مموجودة اتصلي علية بس جوة لتنزلين

هزيت راسي موافقة
انقبض گلبي من اقترب مني سحب المنشفة من شعري  وصار يبعده بأيده
تغيرت نبرة صوته رفعت عيني اباوعله عيونه ذابلة.وهو يلمس رقبتي يبعد القميص عن كتفي

:ماا أمل ماا حااولت وماا أگدر امل من منضر شااماتج سبحان الخالق شلون هيج مصفوفين والله هلكتيني

رفعت عيني بعينه ماكو اي مشاعر بداخلي اقبض بأيدي وافتحة بسرعة من نفاذ صبري واني انتضره يبتعد
نزلت عيني منه من همس وهو يبوس شعري

:حسسرة بگلبي اشوف بااقي الشامات وين مرسومة

نزل ايده وهو يمررهة على طول ايدي لزم كفي وباسه

:ماا اجبرج علية لاا تخاافين انتضرج فوك عمري عمر ثااني بس ابقي يمي

مارديت ولا بحرف
تحسر وتكلم

:أگعدي هناا هسة يجيبولج ريوگج
اشر على السرير
گعدت بلارض

:الفرشات نضيفة
:هناا مرتاحة
:تمام
طلع من يمي شوية وفاتت هناء

هناء: تفضلي عيوني
حطت الصينية

:هناء شديصير شنو هاي الهوسة

هناء :: غراض زينة ديطلعوهم للطابق الجوة , وأسامة شبي متعصب علية

:موو قيصر عبالة هو مهزمج من البيت بعدين يلا عرف زينة وهي رراحت قبل ما يعرف
يلاا عيوني عوود بعدين اسولفلج لازم اكمل شغلي