تهونُ أوجاع الدّنيا حين لا
يتعلّق الأمرُ بتأثيرِ الشّعور
الفائِض، نحن نؤذيحين لا
نشعر ونتأذّى حين نشعُر،و
نبكِي حين يثقُلنا الشّعور.
…………………………………………
بارت سابق 👇🏻
ريناد: كمت اضحك وهوه يسوي روحة
مامهتم لــ كلامي واني اضحك وهوه يكرص
بيه علمود اسكت ويغزر بيه واني كوه لازمه
نفسي من ضحك واحنة نسولف ونضحك صار
ليل تعشينه و تاليا نايمه ويه ضحكنة نزلت تاليا مغيره ملابسهة ونزلت وفهد بس عيونه عليهة
وهية ماانتبهت تعدل بل شال مالتهة اجت
سلمت علينة وكعدت يمنه ضلينة نسولف
ونضحك وياهة ونسئل ع صحتهة
...................................................
تاليا: كعدت من نوم وغيرت ملابسي ونزلت شفتهم كلهم كاعدين ضلينه نسولف ونضحك احنه ولــ بنات
مشت الــ يام بين بنات عمامي وسوالفهن وشقاهن لو نضرات فهد علية لو سوالف عباس وتحشيشاته وحيل متونسه بيهم ماصاللهم 3تيام من اجو بس اني حيل فرحانه بيهم كعدت صبح وهية مصادفة يوم لاحد وعندي دوام صباحي كعدت من نوم بدلت ملابس مدرسه واخذت كتبي لبست حذائي ونزلت صبحت عليهم ماما كالت تعالي تريكي ماترحين بدون ريوك اني رفضت مااحب اتريك صبح بوست ماما وبوست بابا وطلعت رحت للــ دوام ضلينه نسولف اني وصديقتي مقربة الي سولفتلهة ع نضرات فهد الي وعن الــ بتسامة وهية تكلي ياثولة ولج يحبج واني اضرب بيهة واكللهة انجبي ضلينه نسولف دور بديت راجع للــ متحان واني حيل خايفه متوتره من للــ متحان دخلنة اجت مدرسه حطت الــ أسئلة وجاوبت الحمدلله طلعت الــ أسئلة سهله خلصت دوام ورجعت للــ بيت بس رجعت تعبانة سلمت عليهم ردت احط رجلي ع اول باية مال درج كالت ماما
نور: ماما توتو روحي بدلي وتعالي تغدي
تاليا: ماريد ماما مااشتهي اريد انام تعبانه كلش من الــ دوام
نور: اسم الله يمه لا روحي بدلي ونزلي اكلي يلا ماما
تاليا: تمام ماما
كلتهة ورحت صعدت بدلت ملابسي ونزلت اكلت شوية وكمت كال بابا
سراج: باباتي ليش ماتكملين اكلج
تاليا: مااشتهي والله بابا
سراج: شيوجعج باباتي
تاليا: لا بابا بس تعبانه واريد انام
سراج: تمام بنيتي باباتي انتي خلصتي امتحانات شهرية مو؟
تاليا: يي بابا كملت وباجر ينطون نتايج وان شاءلله اعفاء عام علمود اقره للــ سادس
سراج: ان شاءلله باباتي ومن تكعدين من نوم المي ملابسج
تاليا: ليش بابا وين انروح؟
سراج: راح انروح بيت عمج الي بل نجف هناك بيتهم اجدادج راح انضل يمهم منا الــ عاشور يخلص عاشور ونرجع
