رن المنبه وعا منذر يده متخدره بسبب نوم رحمه عليها حاب يكر يده براحه وطفا المنبه ومسكها وقعد يمرس فيها وجا يبي يصبي من السرير على حركه رحمه قرب بحت فيها كيف راقده وباس على راسها وقال في وذنها: عيوني متبيش تمشي لهلك اليوم؟
رحمه فتحت عيونها شوي: اها نبي نمشي ترجاني انوتي روحي
منذر: تمام عيوني على اقل من مهلك نرجا فيكي بس تنسيش وراي المحل
رحمه: هي تمام مصبيه
وصبت رحمه ودخلت الحمام ولبست عبايتها السمائيه ومحرمتها الكحليه وخذت شنطتها البيضا وطلعت تلبس في كويش ابيض وحطت مكياج خفيف وبخت من عطرها المفضل ايلي صعب ونزلت لمنذر اللي يراجي فيها في السياره
اول ما ركبت بحت فيها وفي بطنها المنتفخه: تمام ننطلقو
رحمه ببتسامه ايجاب: ليتس جو
وكان الطقس جميل مش كأنه في شتا بكل وطول الطريق متذر عالق اغاني تحبهم رحمه وماسك في يدها ورحمه مره تغني ومره تدندن ومره تصور طبعا الطىيق طويله شوي بين اهل منذر واعل رحمه تاخذ نص ساعه في الطريق
دخلت سيارة منذر شارع اهل رحمه ودرست قدام حوش اهلها ونزلو من السياره على فتحت الباب من اخ رحمه الصغير عبد العزيز يرحب بيهم ويسلم على منذر بحراره وطلعت ام رحمه كذالك خذت بنتها بالاحضان وسلمت عليها وسلمت على منذر
منذر: اهيا امانتكم عندكم انتوكل انا
حكاها وهو يقرب من باب سيارته
فطيمه: غير اقعد حتي للقهوه
منذر: اسمحيلي عمتي واللهي وراي محل
قالها ببتسامة خجل
فطيمه فهمت انه مستحيل يقعد منذر وبات رحمه مش في الحوش: تمام وليدي مربوحه
وخشت ورا رحمه اللي كانت تسلم على خواتها في الصاله واما منذر عدا شور محله
رحمه: طيب وتين وشن جديدك
وتين: مشي ياحنه جامعه. قرأنيه. حوش نفس الروتين
رحمه: وانت ياحج
وقار بضحكه عل الاسم: قاعده نقرا اول بأول عشان ميتراكمش عليا المنهج
رحمه: حي عليك بعدها يتراكم معش تري عليه بكل… تذكري انا في ثالثه ثانوي كيف كنت منقعدش في الحوش من التقويات ومنرقدش لاني انراجع اللس خذيته فحاولى تضغطي روحك الفتره هذ بيش تطلعي من السنه وتفتخري بروحك قبل ما اي حد يفتخر بيكي
حركت وقار راسها: باهي حاظر
رحمه: انشالله خير
فطيمه: شخبارك بنيتي شن دايره وشخبار النونو
YOU ARE READING
سته سنيني
General Fictionاحببتك وانا طفله وكتب لي اللقاء بك وانا شابه فهل سيكون نصيبي ان اعيش معك باقي حياتي ام انه لن يكون لنا في اللقاء نصيب 🥀🥀
