على قمة الحكيم ( الجزء الثاني )

البارت الثامن والاربعون

_ كعدت الصبح على اصواتهم العاليه البيت هوسه لبست وطلعت شفت روح وفاروق منجطل على التخم وحاط ايدة على عينه

روح : بستها وسلمت عليها مشتاقة للبيت والغرفتي حسيت لو وين ما اروح تبقى روحي هنا

فاروق : شلون بنات نجاة جابوهن !

نرمان : حكيم جابهن

فاروق : والشفيه رجلها

نرمان : يريد يطلك

فاروق : دفعة مردي والهوى شرجي

روح : خالو طبعة صعب شويه بس يحب نجاة احتمال ضايج منها وحجه هل حجايه

فاروق : انجبي انتِ وخالج

نرمان : كعدت على رجلي حضنت كنان ابوس بي اخذته ورحت للمطبخ حطيته على الكاونتر وسويتله كورن فلكس

شمس : صباح الخير كعدت ما لكيتج صاعدة فوك اصالحتو ؟

نرمان : اي .. ضحكت وشالت كنان نزلته بالكاع

شمس : شوكت يوديني عمو كافي اليوم غبت

نرمان : ما ادري تريدين اسأله .. عضت شفتها تفكر

شمس : لا

حكيم : الحمدلله على سلامتكم يابه

فاروق : الله يسلمك هذا مفتاح بيتك توشكر

حكيم : العفو .. نزار خابر على باقر يجي اليوم اريدة

نزار : دام سمع شمس هنا يجي بدون ما اكله

فاروق : شعدة ويا شمس اطيح حضه وحض ابو

نزار : ماعندة شي يشوفها مثل مرته .. اخته اخته

نرمان : للمغرب شمس اكلت كلبي تفكر حكيم راح يكتل باقر لو يسويلهم شي حتى اكل متقبل تاكل لحد ما دخل ختلت بالمطبخ

شمس : الله يستر

نرمان : ماقبلو حدة تدخل بقو وحدهم بالصالة بس الصوت ينسمع

روح : اني اسنطلكم ولو ما اسمع من جعير فاروق

فاروق : مسوي شي احجولي اكوم انتف شواربه

حكيم : لتهوبز اريد افتهم

باقر : تفضل عمي

حكيم : بعدك تريد تزوج

باقر : لا مو هسه .. مو انت متقبل

حكيم : الرجال لو كال اريد الرخيصة اسد حاجته لو نثيه مال جلب هم يقتنع بيها بس المرأة لو كالت اريد ازوج هنا اصير صعبه

نرمان : دغتني شمس ترجف كالت بهمس ..

شمس : سامعني سامعني

نرمان : صخام الصخمنه

حكيم : اليزوج بعمرك لو ما يكدر يعيشها لو يخلف درزن ويتندم لو فرة عرس ويملها

باقر : عمي انا اختلف