على قمة الحكيم ( الجزء الثاني )

البارت الثامن والاربعون

الهام : اي اي

مؤيد : اخذهن وهل كلشي يصير رسمي

نرمان : سبحت وختمت القران نجاة تدعي وتنخي يرجعها وتشوف بناتها قريب النص ساعة ودخل نزار شايلهن نزلهن بالكاع وركضن على امهن تبوس بيهن وتحضن صار صوتها عالي تشهك وتشمشم بيهن

نجاة : حبيبتي شهب ماما باوعلي شوشو انتِ يا حلوة

نرمان : بين على وجهن الفرح اخذهن علاوي وطلعلهن اللعابه حتى يلتهي وياهن ويسدن مكان كنان

نجاة : هسه لو كنان موجود جان صارو رباعي وشكو حلكنه

شمس : كنان يجوشنه جوش عمة

نرمان : بس جابو طاريه بجيت لا ارادياً جبت تلفوني واتصلت بفاروق ميجاوب روح ماعدها خط سديته وكعدت مابيدي حيله

نجاة : انا اي ام فاقدة بزرها توجع كلبي لان عشت وشفت

نرمان : كنان اعر من روحي

شمس : اوووي باجي انتِ شكد حلوة من تبجين خشمج يصير احمر وخدودج تنت طبيعي

نرمان : ضحكت من بين دموعي .. بطرانه

حكيم : شمس عمو ابقي باتي الليله

شمس : عندي مدرسه الصبح

حكيم : اذا ماعندج امتحان غيبي

شمس : اي ..

نرمان : باوعت عليه بخوف وهمست

شمس : ليش يريدني ابات مسويه شي

نرمان : ما ادري

علي : بابا يكول خلي نمنمة تجي تنام

نرمان : كوله راح تنام يم عمتها جوه

علي : واني

نرمان : تنام يمي طبعاً

نجاة : ولج ليش تكبريها ازيد

نرمان : ما فتحت موضوع اخذت علاوي وشمس نزلنه جوه حسيت لكو غصة بداخلي خليت راسي على المخدة بسريري الدم ونمت الدمعك بعيني

_ فزيت نص الليل ارفع من الفراش فتحت عيني ارمش ودايخة

حكيم : اششش لايفزون

نرمان : نزلتي نعسانه .. وكف باب الصاله باوعلي وتنهد هز راسه بعدم رضى وباس انفي

حكيم : شاعله الخلفوني

اصيله : ناس تنشال وناس ايدها متكدر اشيلها

نرمان : اخترعت من صوتها تعمد يفوت كدامها

حكيم : جان الحجي مقصر ما شالج

اصيله : لا حاير يزوج مثل ولدة يباوعون على حلك نسوانهم

حكيم : اذا المرة بيها حض چا ليش

نرمان : عافها وطلع يمشي بيه اخذني للحديقة الخلفية ونزلني فتح صوندة مال مي وكف يسقي الزرع وصوته ما طلع