على قمة الحكيم ( الجزء الثاني )

البارت الثامن والاربعون

نزار : هسه شلون اسوق والشمس بعيني

حكيم : فاروق راح اطردك من البيت واحلف عليك مترجع

فاروق : دورك بعدة ما اجة

نرمان : ضربة بالمخدة وراحو كل واحد الغرفته

روح : فاروق فاروق فاروق

فاروق : هاااااا يمعووودة هاااااا

روح : تريدني اسامحك

فاروق : لا

روح : اريد ارجع للكلية .. رفع راسه فاتح عين وحدة

فاروق : ماكو

روح : مو بكيفك هذا طموحي اني علوم كيمياء الي مستقبل انت تحلم بي مهندس فاشل تفتر انت ومسطرتك جنك كنان من يعلب الجهال مدرسة

فاروق : يعني تتخرجين شتريدين اصيرين برفسور كلج مدرسة

روح : تاج راسك المدرسة اعلمك واعلم عشرة من امثالك انت منو قراك وسواك مهندس بدون المدرسة والمدرسين فلسين متسوه اقرالك ايه من القران

فاروق : سكتي ابوس ايدج

روح : وهسه اريد اداوم حتى اسامحك واطب وتطلع اكلك احبك وففو والبس مشبج

فاروق : ما مقتنع

روح : ففو نرمان مو اداوم وحكيم يشجعها ويوديها بأيدة للمدرسة انت ليش هيج ما اصير مثل اخوتك حتى نزار مثقف ومحترم انت شبيك جنك واحد يبيع قواطي ولا عبالك مهندس

فاروق : لو ما نرجس زلطتهم كدامي جان كلت نغوله

روح : حتى امك ما خلصت منك شبيك انت شبيييك

فاروق : بعد هواي للسنة الجديدة افكر

روح : چا ما اسامحك

فاروق : ضميري مرتاح لا اسامحين

روح : حط راسة على المخدة حاضنها شوية ورجع رفع راسة

فاروق : اصيرين مخدة لو الها علاقة بالسماح

روح : لا ما الها علاقة شمر المخدة ونام على بطني حاضني بقيت اللعب بشعرة .. مراح تحجيلي شلون لكيت نطاح وكتلته

فاروق : والله عيب اليسمعج يكول نطاح زلمة

روح : لحيت عليه صار ميجاوب حطيت راسي افكر انخر راسي لحد ما غفيت وطلع الصبح

_ ثاني يوم حكيم طلع البغداد ونزار باع سيارته بيومين وخسر بيها هواي فلوس مر قريب الاسبوع وبيومها انصل حكيم حتى يحضرون خطبه بالبيت الجوه

_ اجتي شمس وجانت فرحانه الدنيا ما لامتها مشتريه فستان فضي مشلح وكاعدة تحط مكياج واحنه مخبوصين نحضر وماعندي شي اللبسه

نرمان : اللبسي فستاني العجبج واني اخذ فستان نجاة

نجاة : وانا اللبس دشداشة اصيله

نرمان : عندي واحد ملابسته انتِ اضعف مني لبسي

نجاة : يله ثقيت بيج فساتينج كلها حلوة

شمس : باجي هيج حلو لو طوخ

روح : ناقصج حمرة سودا واصيرين مرت تجاكي

شمس : ليش تخربون واهسي

روح : جيبي اني احطلج

روان : فدوة رتبي وجهه بناتي مو مكياج ايجات لا فاروق يسويلنه طلابه

عبير : انا هم احط

روان : حطي ايدج ع وجهج وشوفي شلون اكسرها

نرمان : حكيم كال بيناتنه ونلبس حلقات ما كال هيج هسه يطيح حضنه .. واكفة اشسور بشعري سمعت صوت الباب اتفاجأة نزار وحكيم جاين سوا

نزار : روان وين

حكيم : كليلهم اتأجلت ماكو خطوبه

نرمان : تشاقون

نزار : لا ما نشاقة فوتي جوه وخلي يغسلن وجوهن

نرمان : اكو شي ليش توكفون كلبي باقر وين شنو بطل

حكيم : نرمان افتهمي نجم ميت صارله اسبوع بالسجن ومحولي للطب العدلي وبهاي اللحظه عرفت

نرمان : لطمت على صدري ما مصدكة الجاي اسمعة طلعت شمس من الغرفة وكفت كبالهم وافترت بالفستان لابسه شال على صدرها

شمس : عمو حلو اجبر بخاطري مو مثل روح كسرت واهسي

يتبع ...

برداً وسلاماً على العراق وجميع البلدان .. ادعو الوالدي خارج العراق كون يرجع سالم طريقة خطر البداخلي الله يدري بي