#قصه_ألدستور
#بلقمي_انا_فاطمه_آل_جاسم
﴿ اللهم صلِّ على محمد وآل محمد وعجل فرجهم الشريف يالله ﴾
لاتنسون المتابعة @fatmia__122 + التصويت + تعليق حلو مثلكم على الفقرات فراشـاتي 🤎🦋 .
أكرمك الله بالعَقـل ، فلا تُهين نفسك بأفعَالك...!
الـ جزء الـاثنين والعشرون « الوقف امام النصيب »
بكد عمرين احس متروك جني
غبار ضل بمراية العميان
<><><><><><><>
📌 : لو ما كلامكم ولله ولا انزل البارت لان فعلا جنت كلش تعبانة وبعدني الحد الان تعبانة بس علمودكم وهم حته مانطول هواي وتضوجون مني بعدين 🙂💔 واني ماريدكم تضوجون مني فاااا لازم نتفق ان التفاعل يزيد هل فترة الخاطري حته استمر وبعد ورانه القعقاع هم القصة حلوة وطووويلةةةة بشكل فا يرادلها وقت ومجهود مني ، يلا انطلقو خنفشارياتي 🥰💋.
<><><><><><><>
نرجس ::-
على صوتي لتمو حته الجيران نقلو مجد بالسيارة للمستفى ماعرف مستوصف بس اخذو واني وامي ضلينه كاعدات وابوية يمنه لان مايكدر يروح وياهم اخذو امجد وابن عمي وواحد من الجيران
اسمع ابوية يصيح باسمي ويكول :- نرجسس بوية وينكم
رحت علية وسولفتلة شصار اخذ موبايلة واتصل على واحد من عمامي وكالة تعال اخذني خل اروح اشوف مجد شبي .
وفعلا شوية واجه عمي اخذة وطلعو
كعدت اصفن وافكار سودة تجيني خاف راح يموت ؟ خاف يفقد الذاكرة وكعته قوية وتخوف
ولي لاحضته ان امي خافت علية شعجب ؟
رجعو باليل مخيطين راسة 3 خياطات ولافينة
كعد وكامت سوتة شوربة ووكلتة وضلو يومية يجونه خطار علمود يتحمدولة على السلامة
مر اسبوعين تقريبا وبيوم كاعدة العب بالموبايل اجتي امي يمي كعدت وهيه تكول :- كومي بدلي
كيفت عبالي راح تطلعني الفد مكان :- وينن ؟
:- حسام عازمنه ع الغدة
بهت وجهي :- اني وياج ؟
:-اي !!
_ صدك تحجين وهوا ميخاف من اهلة ميسألو منو هذني ؟
:- غبية مو كتلج عايش وحدة
_ اي واذا عايش وحدة احنه نروحلة بصفتنه شنو ؟
:- غير هوا عازمنه
ضليت صافنة بوجهها :- ماشي
كمت بدلت ورحت وياها وفعلا جان داز غدة كعدنه اني اباوع للبيت مأثث يخبل مرتب حيل ونضيف
خلصنه غدة شوية وجاب حلويات بقلاوة وزلابية ومن هل سوالف ابد ماحجة وياي بس يحجي ويا امي واني ساكته مرات احس علية يباوعلي
YOU ARE READING
ألدستور
Mystery / Thrillerبقلـمي انا فاطـمة آل جاسـم #ألدسـتور من ارض الواقع ١٠٠٪ وسط أمواج الظلام، وسط المطويات المخفية التي لا تظـهر، والأنيـن الكـامن الذي لا يرويه مـاء، ولا يزيل غشاوته بكاء وسط أنهار من دموع جرت على صفـحة الوجـه جـرّاء أنيـن في القـلب لا أعرف منه سوى...
