الضائعه في عرش سـواد

البارت 21

الڪاتبة ريـام علي

قناتي reamali_9

أبجي من تموت شجره ،
وآبجي لو عصفور ما يكَدر يطير .
أبجي من تخاف طفله ،
ومن يمد اِيده الفقير .
أعشگ الدمعه الأصير آنسان بيها .
دمعة العاشگ ضمير .

________________________________

خطبنه وجنت متوتره كلش خايفه فكرت هواي
شراح يصير كلت "الله كريم"
خلصنه وراحو البيتوهم

سواد:ترف وين

حياة:كتلها روحي نامي ارتاحي

عافني وراح ...

تـرف::حسيت احد يتلمس بخدي على كيف وصل يمي شفتي فتحت اعيوني وخر

تـرف:ليش تلمسني

سواد:اسف

تـرف:الاعتذار مايفيد

باوعلي وقلص عينه وگال

سواد:مرت عمي اذامااندمها

ذكرت اخواني واسوالفهم ضليت اصرخ وابجي والطم على وجهي

تـرف:كسرتونييي الله ينطيكم ليش هيجي اني شنو سويت الكم الله كون يطلع حوبتي بيكم ولكم ليشش

اجه سواد يركض لزم ايدي دفعته

تـرف: لاتلمسني عوفني اشلون ارجع اثق بيك اشلونن انت شنووووووووو

سواد: اششش اششش اسف والله اسف وعد راح اعوضج

تـرف: ولك شتعوضنييي اخواني راحو منيييييي كافي

سواد: لادكولين ولك والي حرمج من اخوانج انعل خيرهم

تـرف: عگبيش فهمني اني اريد اخواني

اجه شبگنيي بكل حيلهه ضل ادگ على صدره
ضليت اردد بهذني الكلمات. اكرهك. اريد اخواني. بعد ماعندي ثقه بيك
هو يحاول يهديني واني فاصله على الاخر

سواد: كافي ندمان والله ندمان خفت اخسرج حبيتج من كل گلبي حسيت يمج أمان

طبطب على راسي

تـرف: جسمي يوجعنييي يمهههه

سواد: اشش تعالييي

شالني ودخلني للحمام فتح ماي دافي دخلني جوا المي ضليت ارجف

تـرف: سوادد جسمييي

سواد: ججج اسكتي اشش

ورا 10دقائق طلعني سد الباب الحمام طلع ملابس گال هاج البسي

تـرف: اطلع

طلع لبست ورا اشوي دگ الباب

سواد: خلصتي

تـرف بصوت مبحوح: ااي

اجه صار ورايه جاب المنشفه نشف شعري بعدها مشط شعري وظفر شعري ظفيره وشربني علاج ودفاني بالبطانيه وصار گبالي