أنتقام غضــب

البارت 36

#انتقام غضب..
بقلمي أميرة محمد🤎

لا تنسون التصويت والتعليق بين الفقرات لطفا🌷
•______________________•
يا فُرصَة حياتي البعَد ما تِنعاد .
•______________________•

شوك"

اردف كلامه مبتسم بقيت اتصفن بالوجوه اريد استوعب شجاي يحجي صدوك لو يضحك عليه اباوعلهم عيونهم تتنقل بينا بصدمه بلعت ريگي والدمعه وگفت بطرف عيني هسه تكولون دتبالغ بس لاء
حلمي هذا وگفت بوجوهم كلهم لخاطره واهس رجعلي

رفع حاجبه اشرلي وحجه

الغضب- احجي اخاف سكتين وتزيد جويات گلبي ويذوب الغزل وينمحي الشوگ

بلعت ريگي هزيت راسي ماعرف شحجي مبتسمه بفرح بس اخاف يطفيها ويطلع يضحك عليه

شوك- م.ماعرف شحجي وشكول يعني..احمم ءاخاف دجذب عليه لو تضحك عليه

حط ايديه بجيوبه دار وجهه ببرود وصعد يمشي ويحجي بصوت

الغضب- بكيفج عبالي تفرحين بالخبر بس يلا عادي انا هم كاره روحتج لجامعه راح الغي نقلج

عطت بصوت جفلت الحاضرين

شوك- لاااا غضببببب

اندار عليه يباوع بنظرات هادئه ابتسم تك خد ملت راسي وهمست بس شفتي تحركت لا عفيه

الغضب- زين جا بعد بس النقل وترجعين اداومين

احس واحد فتح قفص سجني حطلي جناحات وطيرني الفرحه لعايشاها مداكدر اوصفها احس حياتي القديمه شوي شوي كاعد ترجع حجت سعديه

سعديه- شنو تدرس شنو هي مو مبطله وهم جنه عدنا شغل وطبخ وكنس خوما تروحن وذبنها عليه

فريده- لااا كلشي ولا تتعب انمالج لا تخافين انيي موجوده بمكان ايفو وشوگه وانتي بمكان بناتج متفقين

كملت كلامها مبتسمه وسعديه گلبت وجها ماعجبها حجه مهند وواضح ماعاجبه غرار غضب

مهند- شنو ترجعها لعبه هي والمصاريف انا ماحاملي ثلاثه كل شهر نص الراتب الهن وانوب رابعه جايبها شنو اهج اشرد گضيت عمري اشتغل والفوس بحلوگم

ابتسم غضب بغرور واردف كلامه كانو مقهور

الغضب- بابا حبيبي احنا ضناك وهم من شوكت انت تدفع مصاريف أيفين همم..

مهند- جبت عمريي ادفعهاا..شوف من الاخير ماترجع تدرس ماعندنا جنه تدرس خوشش

استغفرت يعني اني وحد عن بناتكم باوعت لغضب ماحجه وياه عيونه عليه مبتسم اول مره ارتاح بشوفت ابتسامته احس تمدلي طاقه ايجابيه نفشت ريشاتي
حجيت بهدوء بثقه

شوك- مادام الغضب گال ارجع لدارستي يعنييي ارجععع..واذا تريد تبطلني وروحتي تغثك بطل بناتك الى ابطل وهم الدنيا دواره قابل بناتك مايصيرن چناين لو وحد مشذرات