.الساعه ¹² ليلاً بالبر الخالي من أي شي غير صوت وعد إللي لامه نفسها وتبكي اخوانها اللي شافونها منهاره وتمزق قلوبهم قهر هل معقوله بيقتلون اختهم ؟!!
فارس ودموعه بعيونه : ليه ياوعد تسووين كذا ؟
وعد رفعت راسها وتشهق : فارس كيف تصدز والله يافارس مظلومه تكفى يافارس
فارس سكر عيونه وتنهد بضيقه وهتف بحرقه: حنا مقصرين معتس بشي ؟ ليه بعتين شرفتس ؟ لييه!!
وعد وهي تحلف من بين شهقاتها ووجع قلبها : والله والله مادري وش صار مالي ذنب غير رحت لجدتي كنت ابي اسلم عليها واهتم فيها ومادري كيف والله مادري احلف مالي ذنب بشي
سطام هتف بضيقه : محنا قاتلينس بس بناخذتس بيت وتنسي في عندس اهل
وعد ببكاء ولازالت لامه نفسها وهتفت بحرقه : سطام حتى انت ماتصدز ني لييه ماتصدزوني والله مادري كيف تكفون بس هذي المره تكفون لا تظلموني!!
سطام جلس وناضرها وهتف بحنون : حنا واثقين فيس بس الناس وش بتقول باعت شرفها !
فارس : بناخذتس بيت ونجيب لتس كل إللي تبين لين تولدين ونرجع ناخذتس
وعد من بين شهقاته ودموعها الحاره : غلطتي الوحيده اني رحت لجدتي وحسبي الله عليها
فارس بذات الهدوء: قومين ويلا
وعد مسحت دموعها وقامت ركبون السياره وودونها بيت مهجور فارس نزل وفتح الباب لوعد مسك بيدها ودخلها البيت : في هنا اكل وشرب كافينس لين تولدين.
وعد هزت راسها بطيب
فارس خرج وسكر عليها الباب بقفل ورجع السياره مسح على دموعه ونطق بصوت مخنوق: نقول لبوي قتلناها
سطام بضيقه : طيب
جالسه بسطح البيت تسمع لفلاح المسردي وتكتب شعر تنهدت بضيقه وهي تقرا الشعر :
عادني اذكر ملامح وجهش قبل موتش
وصوتش إللي ما غاب كل يوم البيه
لك يا ليتني طعت من قبل البكاء لا يفوتش
اغنم فرصه فيها الملامه تزلش ودي ارجع وابيح
الدمع في يوم موتش ماتوقعتش اليا متي بموت كلي...قاطعها صوت ابوها إللي يناديها فزت بخوف ونزلت غرفه ابوها شافته جالس على السرير قربت منه : لبيه يبه
أبو اريج : تعالين خذيني الحمام ( يكرم القارئ)
اريج مسكته وقومته الكرسي المتحرك واخذته الحمام ( يكرم القارئ) وبعد دقائق خرجته وجلست بشويش وردته لسريره.
أبو اريج : يابو لا تظلين بسطح لحالش
اريج : مايصر لي شي
أبو اريج بتسأل: وين خوياتش اليوم عنش؟
اريج : بعرس بيت ابو محمد
ابو اريج : طيب يبوي
اريج : بتنام او امد لك السجاده
أبو اريج : مدين لي السجاده يابوي
اريج طيب ومدت له السجاده صلى ركعتين ورجع ضهره لظهر السرير....اريج اخذت زيت وسوت له مساج لرجواله.....
Stop here.....
YOU ARE READING
فرقتنا الظروف وجمعتنا منيفه
Actionثاني اعمالي وتمنى بنها تنال إعجابكم.... لا احلل النقل او الاقتباس❌ مستمره ✍🏻 اقلطو حياكم الله بروايتي فرقتنا الظروف وجمعتنا منيفه ☕ نبذه عن روايتنا. الرواية فيها أكثر من بطل وبطله ولاكن البطال الرئيسيين ليث اسر اريج وعد وفي بطله بتكون مجهوله. قصه...
