على قمة الحكيم ( الجزء الثاني )

البارت السادس والاربعون

فاروق : ليش اجذبين اعرفج من تحجين صدك ومن تألفين من كلبج

روح : ما ادري شلون اجه رقمي عندة وكام يدك عليه .. اشر براسة اكمل كلامي ..

_ جان يحجي واني اسدة بوجهه ما اجاوبة اسأل نرمان هيه جانت موجودة ..

فاروق : احجي بالحرف الواحد

_ لزمتني الكحة ما ادري من الخوف ما ادري غصيت بالحجي .. سولفتله من اول اتصال شلون صار لحد اخر مرة من اخذ السيم كرت اخو .. هز راسة وكعد حاني نفسة للامام فتح الموبايل يكتب

فاروق : ابن المتاحة جاوب

روح : طكطكت اصابيعي بخوف .. شنو تسوي .. رد بخشونه وصوته ناصي

فاروق : اصفي حساباتي

روح : اتمدد حاط ايدة جوه راسة ضحك بهستيريا وكح

فاروق : طلعت بت عمج مو راحة

روح : شلون ؟

فاروق : دازة صورتها للعار وكاتبتله بالغلط

روح : حطيت راسي اباوع دازتله صورتها حجابها شكبرة ومطلعة كذلة ونافخة وجها مسوية بوز بحلكها

فاروق : حتى محسن احلى منها

روح : تشبه اخوها عباس الله يرحمة .. تجيت راسي اباوع فجأة اجتي رسالة من رقم مالك لمحت بيها بس السلام سحب الموبايل من نضري وكف بالغرفة يفتر ويكتب

فاروق : صادوك وانت النجر

روح : شتريد اسوي فهمني اول مرة اخاف منك هلكد

فاروق : سكتيييي سكتيييي

روح : نص ساعة يفتر بالغرفة ويكتب اخر شي فتح صوتية وكام يسجلها

مالك : روح سألت عليج هواي وعرفت انتِ مو من البصرة ما دريت بيج مزوجة الا اخذت امي ورحت لهلج ومرت عمج كالت انا اوصلك الها اخذته مجبورة عليه

روح : لزمت كلبي بخوف بجت سيدرا وشلتها افتر بيها بالغرفة .. بلمح البصر نزع ملابسة وبدل وطلع شمرتها من ايدي وطلعت وراه

فاروق : رجعييي لج

روح : ما اعوفك اضيعنه بعد تعال ارجع عوفة لو هددة بالتلفون راح يخاف منك وما يحاجيني بعد

فاروق : ههه يله راح اكعد اهدده وانتي حضري العودة خاف يجينه للبيت نختل اني وياج

روح : ابتسم مستهزاء ودفع ايدي وطلع من البيت

_رجعت اتمشى بالبيت هدوء ماكو احد اخذت ملابس ودخلت للحمام اسبح وافكر راسي افتر .. طلعت من الحمام صارت بوجهي نجاة

نجاة : الجايفة مبين عليج العز هنا

روح : طول حياتي نفسي عزيزة وما مديت ايدي الاحد واذا شفت العز بجال رجلي