ما كنها الإ قمر تخاطفها السحايب

بارت 49

-
« في مـجلس الرجال العيال نايمين فيه »
تافف عبدالله بملل وهو يناظر هزاع نايم وسراج نايم : يليل الدجاح نامو
هزاع : الدجاج ماغيرك والله
فز عبدالله : يمه انت قايم مانمت !
هزاع اعتدل بوضعية نومه ورفع نظره لسقف يناظر بتفكير : الهواجيس ماترحم تذبحك بالتفكير ولا تنومك !
عبدالله : وش تهوجس فيه احمد ربك ملكت وبتصير عندك حياة
ضحك هزاع بسخرية رد عليه بقصيدة :
سرى النوم من عيني مع هجعة السارين .. وصارت هجوس القلب سردادي مردادي هواجيس  ... وافكار تشيب الراس
برمش العين تخليني اقصد 
سطام تنهد وهو يرد على هزاع بقصيدة طرت على باله : يا هواجيس الضمير الضمير الضايق المتحير .. ارحمي حال الحزين اللي
جفوه احبابه
هزاع : صح لسانك يا سطام
سطام قام ناظر له عبدالله و هزاع ضحك على نظراتهم : شفيه ؟
عبدالله : وين رايح ؟
سطام : بسافر ياغبي بجيب مويه لنا مافي مويه
هزاع : اي تكفى جيب والله ان ريقي نشف وانا اسكت هالبغبغاء الي بس يهرج
ضحك سطام : تم على هالخشم
شهق عبدالله : اح انا بغبغاء يا دجاجه
هزاع مسك المخده وهبدها على وجه عبدالله : انطم لا بارك الله فيك

-
«  عند البنات بالغرفة »
جود و ديم يتابعون فيلم و اريج نايمه و لينا تسوي اظافرها تاففت ديم : اقول قومي نسوي اكل ماتعشيت كويس بسبب الكريهه العنود اف هي وامها نظراتهم علي
ضحكت لينا وهي تناظر جود وضحكو مع بعض ناظرتهم ديم ب استغراب : وش خير ليه تضحكون
جود : اخ يمكن تخطبك لواحد من عياله
كشرت ديم : يقرفك تخسين مابقى الا اخذ من ذول افيه بس
جود : طيب وش ناكل برضو انا جعت !
لينا بتفكير : اممم مافي غير اندومي انا جايبه كذا كيس خذي منهم بدولاب المطبخ وحده فيكم تسوويها عاد
ديم خزت جود : اصغر القوم خادمهم
شمقتها جود : دزي بس مالي خلق انتي سويها
ديم : اقول قومي اخلصي سويها جعت انتي حقتك لذيذه انا مااضبطها
تافف جود : وانتي تغسلين المواعين مالي دخل بكره تصحى امي وتجلس تهاوش مين الي اكل ومانظف لا تنسون شغالات وماجوو
هزو روسهم البنات بتم ونزلت جود تحت للمطبخ وهي تتحلطم : كذابات قالو ايش قالو اندوميتي لذيذه ملاعين صدق دخلت المطبخ وهي تدور الاندومي بينما كانت تدور دخل سطام وهو يكلم نفسه: وين الاكواب ذي توقفت بمكانها بلعت ريقها بخوف وتوتر وهي تشوف سطام قدامها وقف سطام وناظرت له وهو يناظرلها بثواني وبدت ترجع للخلف نطقت : وش تسوي هنا !
سطام حك دقنه بتوتر : هاه ؟ اي باخذ مويه لنا وانتي وش تسوين هنا؟
جود : اسوي اندومي للبنات
ابتسم سطام وهو يتامل تفاصيل عيونها شعرها شامتها بجامتها تنهد الانسانه الي يحبها قدامه حست جود بنظراته ارتبكت وهي تناظر نفسها وترجع تناظر لسطام : سطام غض البصر
اقترب سطام لها وهو وده يتكلم معاها ويتاكد بمشاعره بدت ترجع لوراء بخوف ورعب اجتاحها من حست بقرب سطام لها : ابعد وشتبي ؟
سطام مسك يدها بيده وناظر عيونها : كلمه وحده خليني اتاكد منها بس
صدت بوجهها لجهة الثانيه رفع يده ولف وجهها له وناظر عيونها وارتبكت وهي تناظر عيونه وبصوت مرتجف : سطام ! سس طط اا م ابعد
سطام وهو هيمان فيها وبكل جزء فيها يحبه ويهيم فيها : همم لبيه
جود تنهد وهي تغمض عيونها بصعوبة نطقت : وش تبي تتاكد ؟
سطام : مشاعرك !
جود عضت شفتها السفلية وانتبه لها وهي تعضّ شفتها مرر إصبعه يمنعها: لا توجعين نفسك
جود وهي تحس ان خلاص باقي ماتتحمل ودها تقوله : سطام اخاف اقولك اني احبك وتعلقني فيك بعدها تكسرني ماابي اخاف والله
سطام ابتسم وهو شبه متاكد من مشاعرها له مسك وجهها بكفوفه ويناظرها بتمتع ونطق بكلمة وده يقولها لها : احبك ؟ واخسي اكسرك واخذلك !
وقفت عروق جود بصدمة واختفى الاكسجين بالنسبه لها تغيرت ملامحها وهي تسمع الكلمة من سطام ناظرته بصدمه ومو مصدقه سكتت وهي تحس ان خلاص نفسها انكتم وصوتها اختفى من الكلمه الي سمعتها ونطقت : وش
ابتسم على صدمتها وملامحها الي تغيرت ورجع يكررها وهو يقترب لاذنها وبهمس : احبك يا جود احبك
نزلت دمعت جود من الي سمعته لا شعورياً ضمت سطام بفرحه انصدم من ضمتها ارتخت ملامحه وهو يبادلها الحضن شدها له : جود
ابتعدت جود : تدري ثلاث شهور احاول اتاكد ثلاث شهور كنت خايفه احبك وتخذلني
سطام مسح دمعتها ورفع اصبعه على شفايفها يمنعها تكمل كلامها : اشش يا جودد اشش انا سطام انتي بشنبي وبظهري وبقلبي واذا مو مقتنعه بكلامي بكره بتسمعين شي بعد الغدى
ابتسمت جود : وشهو ؟؟؟؟
سطام وهو يمرر اصابعه على شفايفه بلهفه بلع ريقه : لا تفكرين ان بحبك تسلية وبرميك انا ابيك تكونين حرم سطام رسمي
ابتسمت بفرحه : صادق سطام ؟
هز راسه بمعنى ( اي صادق ) ماقدر يقاوم ونزل يطبع قبلة عميقة على ثغرها ارتخت بين يدينه وهي ترفع يدينها ب استسلام حاوطت عنقه وهي تبادله القبل حس بانها تبادله القبلات رجعها لجدار بشويش لاجل محد ينتبه عليه ~ بعد خمس دقايق وقف وهو يحس انها بحاجة للاكسجين لاجل تتنفس ابتسمت بخجل وهي تضمه ابتسم وهو يشدها له تنهد براحه : الحمدلله عقبال بكره اخطبك رسمي من ابوك
ابتسمت : صدق ؟
سطام : ايوا صدق اسمعي اسحبي عليهم وارجعي فوق نامي
جود بوزت شفايفها : احس بسحب الظاهر انهم نامو بعد
ابتسم سطام وهو يبتعد وياخذ المويه والاكواب : اجل انا برجع المجلس
وغمز لها : وعدنا بكره
ابتسمت له جود وهي تخرج برا المطبخ وصعدت عند البنات فوق
دخلت الغرفة وكانو فعلا لينا وديم نايميات قررت تنام هي بعد