The Divorce

Chapter 57: Stick To The Original Plan

Natatawa na naiiling na lang si Sam.

She's glad that nothing bad happened during their first day at school.

Natapos ang isang buong linggo na si Samantha ang naghatid-sundo sa triplets.

Hindi naman na nakita ulit ni Samantha ang kaibigang si Adrienne sa school dahil nagsimula na ito sa pagt-taping ng bagong teleserye kung saan ay kontrabida ito.

"Naman eh!"

Mula sa panunuod ng tv ay sinulyapan ni Samantha si Arya na inilalabas ang lahat ng mga gamit nito sa school bag.

"Why?" Kaswal na tanong ni Samantha kahit na alam na alam na niya kung ano ang ipinagmamaktol ng dalagita.

"Tsk. Hindi ako makakasama kay Mang Ramon mamaya sa pagsundo kay kuya,"

Kaagad na nawala sa tv ang atensyon ni Samantha.

"Uuwi na si Arem?" Tanong ni Samantha sa tonong pilit niyang pinapakaswal. Ayaw niyang makahalata ang dalagitang katabi na bigla na lang siyang nakaramdam ng excitement noong malaman na uuwi na ang kuya nito.

"Opo ate. Mamayang alas siyete ang dating ni kuya. Sabi ni mommy, sumama daw kami sa airport. Kaso, paano naman namin iyon gagawin, sangkaterba ang mga assignments na gagawin namin ate!" Mangiyak-ngiyak na bulalas ng dalagita.

Natatawang inalo ito ni Samantha.

Kung hindi pwede ang mga ito, pwede namang siya na lang ang sumama. Wala naman siyang gagawin eh.

Hinintay muna ni Samantha na mag-focus si Arya sa ginagawa nito bago niya hinanap si Mang Ramon. Kaya lang, nalibot na niya ang buong bahay ay hindi niya naman nakita ang matanda. Nagtatakang hinanap ni Samantha si Yaya Loleng para tanungin ito.

Nasa garahe ang dalawang sasakyan. Walang ibang gagamitin sa pagsundo si Mang Ramon kung hindi iyon lamang. Kalahating oras pa ang byahe mula sa bahay hanggang sa airport kaya naman nag-aalala si Samantha na baka walang sumundo kay Arem sa airport.

"Ay naku, Miss, umuwi po saglit. Nagpaalam po sa akin kanina at masama po ang pakiramdam ng asawa niya. Dinala niya po sa ospital,"

"Ganoon ba," mahinang anas ni Samantha.

Kung may ibang inasikaso si Mang Ramon, walang magsusundo kay Arem.

"Okay Yaya Loleng. Ikaw na po ang bahala sa triplets. May pupuntahan lang po ako," ani Samantha saka dali-daling nagtungo sa sala. Kahit nakabukas ang tv, naka-focus pa rin ang buong atensyon ni Arya sa sinusulat nito.

"Arya, saang terminal daw bababa si kuya mo?"

"Saint Rose Terminal 6, ate. Bakit?" Tanong ng dalagita na hindi naman nagtataas ng paningin. Pinapatanong ni Mang Ramon. Aalis muna ako ha. Matulog ka na kaagad pagkatapos mong magsagot,"

Hindi na nag-abala pa si Samantha na sabihin dito na siya ang magsusundo sa kuya nito. Tutal, malalaman din naman nito iyon kapag nakarating na sila.

At isa pa, gusto niyang i-surprise si Arem at ang ninong Abel nila. Pupusta siya na hindi alam ng mga ito ang bago nilang tirahan.

Nakangiting kinuha ni Samantha ang susi mula sa sabitan. Magaan ang bawat paghakbang ng kanyang mga paa noong papalabas siya ng bahay nila.

Iniisip niya pa lang kung ano ang magiging reaksyon ni Arem ay napapangiti na si Samantha. Will that guy be happy?

And what about the competition?

Did she win?

Excited na binuksan ni Samantha ang bagong bili na sasakyan ng mother-in-law niya. Syempre iyon ang gagamitin niya para naman hindi makilala ni Arem ang sasakyan. Paano naman ito masu-surprise kung ang sasakyan na kilala nito ang dadalhin niya?

Lagpas kalahating oras na noong makarating si Samantha sa Terminal kung saan bababa si Arem. Excited pa siya at nakangiti habang pinapatay ang makina ng sasakyan.

Maingat siyang bumaba sa sasakyan at isinarado iyon. Akmang maglalakad na siya papunta sa arrival area pero may napansin si Samantha sa unahan.

Napakagat-labi si Samantha.

Kilalang-kilala niya kung sino ang babaeng iyon na naghihintay sa may arrival area.

It's Attorney Pilar!

Tahimik na sumandal si Samantha sa sasakyan. Nang lumingon ang abogada sa may pwesto niya, mabilis na ibinaba ni Samantha ang suot niyang baseball cap.

She's wearing vintage pockets cargo pants and a fit shirt, with a black baseball cap on her head.

Ayaw ni Samantha na mapansin siya ng magandang abogado. Paano na lang kapag nakita siya nito tapos hinihintay rin pala nito si Arem?

Paano kung may relasyon nga ang dalawa? Dahil kung wala, bakit nandoon ito? Hindi naman pwedeng coincidence lang ang lahat, hindi ba?

Samantha clenched her small fists inside the pants pocket.

Ilang minuto pa ay lumabas na sa si Arem. Hindi nito kasama ang ninong Abel nila, sa halip ay isang lalaki na kaseng edad nito ang kasabay nitong naglalakad palabas ng airport. May babae na kaagad sumalubong sa kasama ni Arem, habang si Arem naman ay dumiretso sa tabi ng abogadong si Gabrielle Pilar.

Magkasabay na pumasok ang dalawa sa loob ng sasakyan.

Ang abogada sa driver seat at si Arem sa tabi ng driver's seat.

Napalunok si Samantha.

Dali-dali siyang pumasok sa loob ng sasakyan at pilit na pinapakalma ang sarili.

Dinampot niya ang tubig na nakapatong sa katabing upuan. Ilang lagok lang ang ginawa niya. Nang matapos ay muli niyang sinulyapan ang sasakyan na kinalulunanan ng dalawa. Hinintay niyang mawala ang mga ito sa paningin niya bago niya minaniobra papalabas ng airport ang dala-dala niyang sasakyan.

She's not expecting this kind of development.

Samantha felt like someone had stabbed her in the back.

She took a deep breath and helplessly calmed herself. She should not feel anything. Because first of all, nothing is going on between the two of them.

She's the only one who's overthinking things.

She's the only one who's messed up.

Samantha bit her lower lip.

Parang sirang plaka na nagpaulit-ulit sa isipan niya ang sinabi ng kaibigan niya noong unang beses na magkita sila. Pakiramdam ni Samantha ay isinumpa siya nito dahil kung hindi, bakit ganito kabigat ang nararamdaman niya?

Kung makapag-overthink naman siya, para siyang tunay na asawa. Eh sa papel lang naman iyon, hindi na?

Matamang tinitigan ni Samantha ang sasakyan na nasa unahan niya. At sa halip na sundan ito, kaagad siyang lumiko sa unang intersection na nakita niya.

Ano bang overthink-overthink. Hindi siya nag-o-overthink ano. Medyo disappointed lang siya dahil hindi na siya makakapag-stay sa tabi ng triplets ng matagal. Hindi na niya makikita ulit ang mabait niyang mother-in-law. Kaya ganoon kabigat ang nararamdaman niya. Iyon lang ang dahilan. At hindi iyon dahil nahulog na siya kay Arem Syquia.

Anong nahulog.

Kalokohan 'yun.

Sa simula pa lang, buo na ang plano niya.

Bibili siya ng villa. Mag-aampon ng pusa at aso, o kahit pa ng daga, pero never niyang isinali sa plano niya ang magkagusto mo mahulog kahit na kanino pang poncio pilato.

Kaya naman paninindigan niya ang plano niyang iyon.