فوارق طبقيه

التكمله

انه أروح وبين ميكمل شغلته هو لاحكني وهاي شوفت عينج طبيت بالسنه الثالثه كل خبر منه ماكو

هبه/
تحجي وقلبها محروك ومهظومه كلش واني فاتحه حلكي بصراحه مكاعد استوعب او أقتنع.

كلتلها
زين جهالج وين
اهلج وين
أني شفت الچ دخوليه للعراق
عيالج وينهم
شنو القصه ليش هيجي وحدج.

نيران/
حقج تتعجبين أصلا أني متعجبه من وظعي وين جنت وين صرت

جهالي هناكه بالدوله الدزني عليها ومن انزل للعراق او لتركيا أستاجر مدبره منزل وجليسة أطفال.

اهلي هنا بتركيا بيلوا ساكنين حاليا.
صحيح كل فتره انزل للعراق لان مطلوب مني أوراق تخص الاطفال
اكو معاملات تحتاج موافقه الاب ولان أني لا مطلقه ولا

هبه/
غصة بكلمتها.

- ولا أني أرمله يضلون يدققون بأوراقي
واصلا عندي متعلقات بالعراق والاهم كل فتره أحاول أبحث عنه من بعيد لبعيد
بس حتخبل حتخبل فص ملح وذاب اختفى ولاكانه
عشنى وخلفنه
دورات اكعد اصفن بروحي أكول شنو الصار والجرى.

أما عيالي لحد موصلني للمطار يوصيني أبتعد عنهم
وبصراحه أخاف لياخذون جهالي ومنو اليوكفلي اذا هو اليدافعلي فهسه ماكو ماكو.

هبه/
تحجي وتنفظ بأيدها وتسوي ماكو ماكو
كلش نقهرت عليها
أشوفها أنسانه قويه وصامده من الخارج بس من تحجي تنهار كلش تنهار رغم هذا متبجي.

نيران/
وهسه اسمعلج آطربيني شلون الج قلب تتركين أطفالج
ولج تدرين شكد تحملت لخاطرهم تبهذلت وآني المعززه طول عمري تعبت تعبت كلش
بس من أشوفهم أنسى واكول لخاطرهم وغصبا ما عليه هذا دوري أني أم.

هبه/
اسمعلها واني دموعي تهل تهل مثل المطر
شكاعد تحجي ومنو كللها أني شمرتهم
كلتلها
لا لا
كذب والله كذب.

نيران/
يله كعدي وسمعيني الصدك
اني عاتبتچ لان أعزچ وشفت رائد منهار رغم ما اكذب عليچ اني ما حبه الرائد

بس الحق يقال الرجال يحبچ وحار شسوى عليج
يله كعدي وسولفي.

هبه/
كعدت وسولفتلها الصار كله نصا وبحذافيره
البنيه تفاجات
آخر شي كالتلي.

نيران/
حسيت الصار لعبه والله بوكتها كتله للارقب ممعقوله أم تترك اطفالها بالمستشفى وتطلع

بس بصراحه كل الادله أدينچ بوقتها
ورائد صار مثل المخبل.

هبه/
اي ومشوفين طلكني
وتاليتها راح هو وراحو جهالي ونار وشابه بصدري.

نيران/
حقج والله حقج
وماعرف شحجي وشلون اواسيج

اما اني ماعرف مصيره ولا كاعه وين تصدكين جهالي بدوا ينسوا أطفال حقهم
اما الصغير اصلا ميفطن عليه

وين عافني وراح.

هبه/
افهم من كلامج يعني ددوري حتى ترجعون تلتمون سوى.

نيران/
هذا
عشم أبليس بالجنه يحلم يلمحني بعد واني أني وهو هو
حرامات لو رائد عايش چان اكلچ أسألي نيران منو.

هبه/
ولو دوختچ وانتي مناقصه
ليش أحسچ تكرهين رائد وشايله حقد عليه.

نيران/
لا مو أكره ولا شي بس رائد سببلي مشاكل أذتني هوايه هوايه
ومدام هو توفى ميصلح نحجي بسيئاته مو يكلون الكاع تسمع وتعيد
ماعرف هيجي سامعه.

هبه/
هم صدك شيفيد الحچي هسه الكل راحت ومظل أحد منهم.

شناويه تسوين.

نيران/
أني باجر طيارتي ارجع للدوله الخ تأخرت على جهالي
اما شناويه فعايشه هناكه كلشي متوفر وآمان والجهال مدارس وكلشي مضبط

اله اني
اني اني الخربطه بيه
راسي كومه اسئله ومتلكه أجوبه
أما قلبي هذا كون أشلعه وأحركه بيدي على دكاته المو وكتها.

هبه أحلفچ بروح اولادچ مهما دار بيچ الوقت لا شفتيني ولا كعدنه ولا سولفنه

أني البيه كافيني ماريد ملتهم بعد تعبوني شلون شلون هنت عليه وعافني كل هل سنين

شفتي شكد ما احجي والوم وارجع لنفس السؤال.

هبه/
نسيت نفسي وحزني وآلمي يم جرحها حقها شلون يورطها ويختفي ومتعرف شي عنه

هذوله خبلوني غريبين عجيبين.

........................

أنتهى النهار بتوديعها الي واتفقنى باجر نلتقي حتى
أسلم عليها وتسافر وتروح وتنطوي صفحه

نيران/ الارقب

.
.
.