.
.
.
هبه/
رجاءا ليش تجي هنا شفت اخر مره شسوت زوجتك.
وثاني شي اني لا اختفيت ولا شي انتوا الاختفيتوا بوقت جنت بأمس الحاجه لام بوقت صفيت بي وحدي.
_ليش هيجي متغيره اشفتي منه حتى سحبتي روحج ها شبدر منه.
هبه/
فاروق تحجي من كل عقلك امي ايام واسابيع اتصل بيها ومجاوب وتنطيني رفض.
فاروق/
ماكو هيجي شي غلطانه اكيد.
هبه/
بيمن غلطانه برقم امي
يله حقتنع غلطانه اني يابه دكيت غلط زين بيتنه متندله بيت عمتي شبيك فاروق شبيك تغالط روحك.
هذه سجود معروفه تطلع فجأه وتختفي فجأه هه ادري دبررلي كولي شنو حجلب بيه اصلا متعلمه على غيابها مو شي جديد رب العافتني طفله ومهتمت راح تهتم هسه.
فاروق/
والله سكتيني ماعرف شكلج.
هبه/
كول العوض بالله وخلص
كول امج انانيه وخلص
كول ماعندج اهل وخلص
فاروق/
تدريين من وصلتج اخر مره لي هسه راسي مفتر شنو بنيه حديثه بنص السوك والرياجيل وتشتغلين هبه كعدي ومصرفج اني اوصله الج.
هبه/
مشكور فاروق مشكور
وصدقتك اعتبرها واصله
معلموني اهلي اعيش على الصدقات اني نفسي عزيزه اذا بيوم ظعفت واحتاجيت امي فخلص الشده البيها اني بينتلي ناسي زين.
وهسه بليه زعل خاف يجي ابو المحل هذا باب رزق.
_ تمام تمام رايح الله وياج.
هبه/
راح فاروق
على شنو جاي هسه صار تلث اشهر محد عرفني
والله ليش غايبه وكاطعه قابل هيه مدرسه.
اخ يا طاري المدرسه الملوع قلبي عليمن اعتب على امي عمتي مادري الوكت شحجي وشكول .
بين صفنتي طب ابو عمر هذا الرجال الخلوق الغركني بكرمه وشايل الاكل ويا بالقران مخجلني
بكرمه
واخلاقه
وطيبته
وحنيته
واهم شي سعة صدره.
ابو عمر/
شبيها بنيتي صافنه.
هبه/
والله ياعمي شسولفلك اليوم من جنت طالع و......وسولفتله السالفه كله.
ابو عمر/
ليش منطيتي مجال يحجي جان افتهمتي يابنتي.
هبه/
ماريد ماريد عمي لاهمه رايديني ولا اني امي و مرته ثنينهم مطايقيني وهو لان شاب استصعب وجودي بنص السوك.
ميدري الله كتبلي عمر جديد بشغلي يمك.
الله سخرلي الاحن من اهلي ورزقني بيك.
ابو عمر/
باس هبه من راسها بارك الله بيج بنيتي هذا كلامج الاتلكى اول ما انزل باجر عكبه.
هبه/
عمي دخيلك لتحجي بالفراك والله تعبت وين ماكو الحنين اخسره ربي يطول بعمرك ويحفظلك خاله ام عمر وينطيها الصحه والعافيه .
YOU ARE READING
فوارق طبقيه
Actionفتاة بسيطه يستقوي عليها رجل غني احبها بطريقة الخاصه لترى كل انواع الذل والظلم وأم تقوم ببيعها من أجل مصالح زوجها لتقع في وكر الذئاب. وزوج ظلمها بقدر حبه لها ليترك لها بصمة تعاني منها ماتبقى من العمر جمال/ وفقر/ وعذاب/ وغدر/ ورايات سوداء جميعها أجت...
