افرشلك چرح مافارشه الملچوم
واكلك شوف ياهو المثلي يتحمل
چرحَك بعيني شلته وماكتلك ليش
ولرچعتك متاني لهسه اتوسل
بس تهدد چنت ليش عني تروح
صابتني حجايتك بعَد شتحمل
بس بمتعتك تريدني اني ويأك
ومن تخلص متعتك عليه ماتسئل
زارعلك ورد بكل خطوه تمشيهأ
لآترجع الي بس خطيه الورد لآيذبل
بخيالي حاطك مافارگتني بيوم
وارسم احلام ورديه واكعد اتخيل
شوارع احلامي دوم عليك تسئلني
وشچاوب ياحَلم كلها براسي تتشكل
وي الغَير عدل ماشي وحيل حَباب
وياي مخربط حيل هَواي تتمشكل
زلاتك هَواي وياي واعبرهن ولاچني
وتنتضر زلاتي يچن حتى وياي تترجل
تغلطَ بحقي ومنك ما اضل زعلان
وأني وياك ما غلطان ودوم تتزعل.
YOU ARE READING
شَعر
Short Storyعِندي ألاجوبَة بَس أني تعبَان اكو اسئلِة احِتاج اني انسِألـها مِن اسمَع نِاس عَاشت انقُهر حَيل مِن اسمَع ناِس مَاتت افرحِلها انا مِتعود ابَچي يَلا ارتاح ومِن انِجرح مِن ناسِي اضحكِلها مِن هَذا السوّاد البيَة لا تخاف التجارُب تخِلق بَنادم مِثلها...