قيود خلف القضبان

سـطـر - 18 -

بس هوه ماكو خرب روحج سيلين طفرتي الولد وخليتي يهج رفع عينه ماهان يباوع عليه وصاح :-

- على شنو تباوعين ؟؟

- اباوع عليكم

- تريدين شي ؟؟

- لاا سلامتك كلشي ما اريد

هز رأسه ورجع يشتغل سديت الشباگ ودخلت يم البنات گلهن يرگصن هذه مو جوي من تصير جمعات هواي ما احب ارگص باوعت على الساعه ٥ المغرب

يبووو هاي شنو الوقت يرگض رگض توهم بلشو يحضرون بالعشه ونزلت ريري من الدرج اشرتلي اجي وياها طلعت للحديقه واني طلعت وراها :-

- شكو صاير شي

- يمكني راح اروح اگول لـ نيار .

- شتگليلي ؟؟

- اني احبك

- والقرآن يهطرچ ميت نعال وعلى شرط هذه ابو الاستيگه

گعدت على الکرسي واردفت - لج راح اتخبل والله

- هسه غير اعرف على شنو ؟؟

- ديخبلني انوب ماهان شگ يگلي شبيج بس تضربين صفنات مو من عوايدچ

- بالفعل كلام ماهان صح جنچ ابو صابر وين ما اشوفج صافنه وتفگرين

- غير هوه خبلنيي والقرآن ابن عمج راح يجيبلي جلطه قلبية خرب أنه ما اريد احجي اللساني زفررر

- شحدچ تحجين حتى افرگ حلگچ بالنعال

- يمويي ترا خفتتتت

- طبعا تخافين

- هازال ابد مو وگتچ تحجين اسكتي

- محد يگدر يمشي گلمته عليه انجبي

- هسه اني شگلت الخاطر الحوت الي بلع النبي يونس

- هاي شنو؟؟؟

لتفت بسرعه وراها واردفت - شنو منو ؟؟

-  اقصد على كلامج

- اها كبر طمج عبالي أحد وراي