နှိုင်းသည် တစ်အိမ်လုံးကိုလည်း ဗြောင်းဆန်အောင် ဝုန်းဒိုင်းကြဲလာ၏။အခုတော့ ဖခင်ဖြစ်သူအပါ ဒေါ်ဝင့်နေချီနှင့်သူမ၏သားအပေါ် ရိုင်းစိုင်းစွာဆက်ဆံလာပြီး တခါတလေ အခွင့်ရှိလျှင် ကိုယ်ထိလက်ရောက်ပါကျူးလွန်တော့သည်။
ဦးသုတသည်လည်း သားဖြစ်သူ၏ဆိုးရွားရိုင်းစိုင်းမူ့ကြောင့် သားဖြစ်သူအပေါ် တဖြည်းဖြည်း အမြင်ကပ်မုန်းတီးလာလျက်ရှိကာ ဖခင်တစ်ယောက်အနေနှင့် ဆုံးမမူ့ကောင်းကောင်းမပေးခဲ့ဘဲ နှိုင်း၏ထိုဆိုးသွမ်းမူ့များအပေါ် ပြင်းပြင်းထန်ထန်အပြစ်ပေးမူ့များနှင့်သာဆုံးမခဲ့တာကြောင့် နှိုင်း၏ဆိုးသွမ်းမူ့များသည် ပိုဆိုးလာရုံမှအပ ရပ်တန့်မသွားဘဲ ရှိနေပါတော့သည်။
အခုလည်း ဒေါ်ဝင့်နေချီကို ရေနွေးနှင့်ပက်ခဲ့သည့်အမူ့နှင့် အရင်လို အပြင်မှာ ကောင်းကောင်းမနှင်ထုတ်တော့ဘဲ ခြေကျင်းဝတ်မှာသံကြိုးခတ်ထားလျက် ဘယ်မှမသွားနိုင်လေအောင် အပြစ်ပေးလေ၏။
"အား!!!!အား!!! "
နှိုင်းသည် အရိုင်းကောင်ပမာ သံကြိုးကိုပြတ်ထွက်သွားအောင် လွှတ်ရုန်းကြိုးစားနေခဲ့ပေမဲ့လည်း ခြေထောက်မှာ ပွန်းရာတွေနဲ့အညိုမဲစွဲလာရုံမှအပ မထူးလာခဲ့။
"သခင်လေး...သခင်လေး....စိတ်အေးအေးထားပါအုံး "
ဦးဆောအနားရောက်လာပြီးတားခါမှ နှိုင်းကိုယ့်ကိုယ်ကို ထိခိုက်အောင်လုပ်နေတာကို ရပ်သည်။
နှိုင်း စိတ်ပုံမှန်ပြန်ဖြစ်လျှင် ဦးဆောသည် နှိုင်းအနားသို့ချည်းကပ်ခဲ့ပြီး ခြေကျင်းဝတ်မှ သံကြိုးကိုဖြုတ်ပေးခဲ့ကာ အညိုမဲစွဲနေသည့် ခြေကျင်းဝတ်သေးသေးလေးကိုမြင်ပြီး စိတ်မကောင်းဖြစ်လျက်_
"ကြည့်ပါအုံး...အညိုမဲတောင်စွဲနေပြီ "
နှိုင်းက သူ့ခြေထောက်သူပြန်ကြည့်ပြီး ဦးဆောကိုကြည့်သည်။သာမာန်ကလေးသာဆို ဒီလောက်ဒဏ်ရလျှင် အော်ဟစ်ငိုကြွေးနေကြလိမ့်မည်ဆိုပေမဲ့ နှိုင်းကတော့ ထိုကဲ့သို့မဟုတ်ဘဲ မျက်နှာက ခံစားချက်မဲ့နေ၏။
ဦးဆောသည် အမာရာလေးအပေါ် ပေးခဲ့သည့်ကတိမတည်နိုင်တာကြောင့် ကိုယ့်ကိုယ်ကိုသာအပြစ်တင်မဆုံးဖြစ်နေရသည်။
ВЫ ЧИТАЕТЕ
Change For You( သူ့အတွက်သာလျှင်)(U+Z)
Любовные романыလူတစ်ယောက်ကိုတစ်ကယ်ချစ်လာမိရင် အစကတော့ သူ့ကိုပိုင်ဆိုင်ချင်လိုက်မယ် ဒါပေမဲ့တဖြည်းဖြည်းနဲ့သိလာမှာက သူကို ပိုင်ဆိုင်ချင်တာမဟုတ်ဘဲ ကိုယ့်ဘဝတစ်ခုလုံးနဲ့ရင်းပြီးကာကွယ်ပေးချင်တယ်ဆိုတာဘဲ လူတစ္ေယာက္ကိုတစ္ကယ္ခ်စ္လာမိရင္ အစကေတာ့ သူ႕ကိုပိုင္ဆိုင္ခ်င္လာလိုက္မယ...