رضـى: مالكي اليوم ؟
طلعات عينيها كتشوف فيه : رضـى شنو لي خلاك تبغيني ؟ يعني ماعرفتش نتا عرفتي بزاف دالبنات فحياتك وحشن مني بميات درحة علاش انا بالضبط ؟
رضى: شكون قاليك حسن منك ؟
غيثة : مكاتشوفش حالتي كيدايرة لا واليدين لا عائلة عايشة مشاكيل مع راجل لي طلع فاللخر صاحبك
تعصب منين ذكرات ليه صاحبو : هاداك ماشي صاحبي ومايشرفنيش نعرف شماتة بحالو
غيثة : كيبقاااا صاااحبك أرضـى ماعارفاش هادشي شحال ايخسنا نصبرو ليه وشحال غايخسنا نبقاو هاكا فجميع الاحوال غانولي مرأة مطلقة و..
رضى: اذن حتى انا غانولي راجل مطلق ؟
تحبس الصوت فحلقها ودوات ببحة : رضى انا مكنعتابركش تزوجتي درتي عقد على الورقة حتا انك عمرك قستيها ان انا (يديها رجفة) عشت علاقة متكاملة علاقة راجل ومرتو .
زير على يديه كارز على سنانو عرفها شنو قصدات : شحــال هادي زواج مصدقش الله اعاون كاع البنات لي عرفت فحياتي تاوحدة فيكوم ماكانت عذرا فين الموشكيل ؟ واش زنيتي فالحرام
حناكها حمارو وحشمات : ماشي هاكا ولكن
رضـى مكاين ما ولكن تانتي دابا راه كنشوفك مامزوجاش، كثر من عاماين باش تفرقتي عليه باقي ناقصك ورقة ديال الطلاق وتسالي داك الزمر
طلعات عويناتها كتشوف فيه شحال، من ديما كيحسسها بنت جديدة، كيحسسها براسها عمرها عرفات ولا شافت راجل عمرها تنسا آخر كلامو لي كان قالوليها فأول احساس عاشوه مع بعضياتهوم، كـانت بالضبط قبل زواجو بنهار
***
حطات ستيلو مرجعة راسها اللور كتطرطق عنقها : فففف الصهد بزاف
كان كيشوف فتيليفون رجع شاف فيها : نزيد فلاكليم ؟
غيثة : الى زدنا كثر غادي غير تمرضنا (زادت خشات نضاضرها ) شكادير نتا بعدا ؟
شاف فيها: حضي حضي قرايتك باش نصححليك ونتي حاضياني
غيثة : واراه عييت لاماجابتش هاد الموديل خاسني نموت
رضى : علاش مالكي اتفنا بيك الدنيا ؟
حركات كتافها مبسمة بشوية : ماغاتحسش بهادشي باش كنحس
حط تيليفونو شاف فيها : علاش باش كتحسي ؟
عوجات فمها : مستقبال بيد هاد الوراق، يا غانحفي عيني يا غانتحفا
YOU ARE READING
الرحمة 2 MERHAMET
Romanceبين الحياة والموت .. الحق والباطل .. الابيض والاسود .. الاستقامة والاعوجاج .. الخير والشر .. القسوة واللين .. خيط رفيع اسمه " طـَـه الوريـــاغلي " قصة الجيل الثاني منفصلة عن الجيل الاول تحذير قصة جريئة.
PART 61
Start from the beginning
