"ငါတို့ကောင်အပီဆော်မှာကြည့်ရတော့မှာပဲ ဟျောင့်ရှယ်ပဲရန်ကြီး အဲ့ထိုင်းကပြားကောင်ကိုပြန်မထနိုင်အောင်ချကွာ"
ခိုင်မြဲက ရန်ကြီးရဲ့ဂုတ်ကိုဖက်ပြီး အားပေးအားမြှောက်လုပ်နေသည်။
ထူးမြတ်လင်းကတော့ပွဲကိုအနီးကပ်ကြည့်လာခဲ့ရသူမို့အနည်းငယ်တော့စိတ်ပူနေမိ၏။
*
*
*" ဆီချက်တစ်ပွဲ အစိမ်းရှောင် "
" ဆီချက်တစ်ပွဲ အစိမ်းရှောင် "ဒီနေ့ရုံးက ၈နာရီအစည်းအဝေးရှိတာမို့ အိမ်ကအုန်းနို့ခေါက်ဆွဲချက်နေတာစောင့်နေရင်မမှီမှာစိုးတာနဲ့ ၇နာရီလောက်ကတည်းကထွက်လာပြီး ကျောင်းသားဘဝကတည်းကစားနေကျ မနက်စာခေါက်ဆွဲဆိုနာမည်ကြီးတဲ့ရှမ်းစစ်စစ်အဒေါ်ကြီးဆိုင်မှာဝင်စားဖြစ်သည်။
ခေါက်ဆွဲပြင်နေတဲ့အဒေါ်ကြီးအနားသွားပြီး သူစားမယ့်ဆီချက်ခေါက်ဆွဲမှာတာကိုတိုက်တိုက်ဆိုင်ဆိုင် ပြိုင်တူထွက်လာတဲ့တစ်ဖက်ကမိန်းမအသံကြောင့်ခိုင်မြဲဘေးကိုတစ်ချက်ကြည့်လိုက်တဲ့အခါ သရဲတွေ့သလိုလန့်ဖြန့်သွားရသည်။
What The Hell အတည်ကြီးလား?
"ခိုင်မြဲ?"
သူ့ကိုဖော်ရွေစွာနဲ့ ပြုံးပြနှုတ်ဆက်နေတဲ့ အချစ်ဦးဆုယွန်းယွန်းထက်ကြောင့် ခိုင်မြဲလည်း ဘာပြန်ပြောရမှန်းမသိဘဲပြုံးပြလိုက်သည်။
ဘာလို့မနက်စောစောစီးစီးလာတွေ့နေရတာလဲ?
သူမကိုကြည့်တော့ ပါတိတ်ဝမ်းဆက်နဲ့ဖြောင့်ဆင်းနေတဲ့ဆံပင်တွေကိုဖားလျားချထားကာ လှနေသည်။
ကိုယ်ကတော့အစည်းအဝေးရှိတာမနက်စာစားဖို့မမှီမှာစိုးပြီး အပေါ်ယံမှာချိတ်ထားတဲ့ စတစ်အဖြူနဲ့ဘောင်းဘီအနက်ကိုဝတ်လာတာဖြစ်သည်။
ဖက်ရှင်လန်းလန်းနဲ့ညနေဘီယာထွက်သောက်တဲ့အချိန်မှာမဆုံဘဲ ရက်ကွက်ထဲကရှမ်းဆိုင်မှာ မနက်စာစားဖို့လာဆုံတာကြီးကတော့ လွန်ပါတယ်။ မတွေ့ဖြစ်တာလဲ 5 နှစ်နဲ့အထက်ရှိနေပြီကို။
ပြီးတော့ ဟိုတလောက Like ပေးမိလို့ သူက လာ Add ထားသေးတာ။
သူမကိုကြည့်ရတာကပေါ့ပေါ့ပါးပါးဖြစ်နေပေမဲ့ ခိုင်မြဲကတော့ အနေခက်နေပုံရသည်။
YOU ARE READING
The Challenge of Love (OC)
Romanceကိုယ်ဟာ ကြိုးဝိုင်းထဲမှာ ကိုယ့်ကိုစိန်ခေါ်လာသမျှကောင်တွေအကုန် ထိုးရဲတယ် သတ်ရဲတယ် ကိုယ်နိုင်မယ်ဆိုတဲ့ယုံကြည်မှုရှိတယ် ကိုယ်မလုပ်ရဲတာဘာမှမရှိဘူးလို့ထင်ခဲ့ပေမဲ့ ကိုယ်မင်းကိုမချစ်ရဲဘူး ညီမလေး။ ရန်ကြီးအောင် လူကြမ်းကြီး လူဆိုးကြီး ပြောတော့ ကျောင်းမှာဖို...
Part (32) Uni/Zawgyi
Start from the beginning