حكومة الهلقام

الحكم ١

وان كان مقدرا لك شيء
فسيسخره الله لك حتى وان شاء
ان يشق البحر له في سبيل الوصول اليك

الكاتبه كاميليا

**********

العراق .... محافظة ميسان .. العمارة

حقبة التسعينات ...يوم الاحد.. الساعة الواحدة ضهرا

الشيخ  : شيخه وينج ما كملتي قراءة قرأن

ام دلهام : ابو دلهام كملت انه توني ها اها الحمدلله والشكر تقبل الله منا ومنكم ان شاء الله

الشيخ : ان شاء الله.. شلون صار الضغط من امس تخربطتي علينه وقلبج عليج ام سهام

ام دلهام : اولشي مابي شي انه هياتني مثل الصل لا تخاف عمري طويل بعد ازوج الويلاد يله اموت

وثاني شي انه ام دلهام موش سهام شيخنه

الشيخ : هههههه حكج علينه ماكو فرك شيختنه
ندري دلهام عزيز الله يرحمه وليدي السبع

ام دلهام : ايييي الله يرحمه صح هو موش ابن بطني بس وغلاته هو عزيته اجثر من ولدي

الشيخ : بسج عاد لا تبجين

هجام : جا وانه شنهو

ام دلهام : ههههههه انته هنااا ... تأشر على قلبها

هجام : يممهههه افيييش يا ريحتج

الشيخ : يا ناكص جا وانه ما تسلم عليه

هجام : ههههه بوية انت الروح والريه

هشام : كل الناس عارية سلام عليكم يابه

ردو السلام عليه

ام دلهام : يمه مريتك ماعدها وجع مو عشرت

هشام : لا حبوبة ماعدها بس فطومة انجبحت على بطن امها امس

الشيخ : بنيتك وكحه ماتكعد ابببد

هجام : هههه خليها تجنن

ام دلهام : خوب انت تموت على البنيات

هجام : ههههه اي والفضل

الشيخ : شلونك بدراستك

هجام : الحمدلله

ضرغام : باااباااا اريد فلوس

الشيخ : شتسوي بيهن يمصيوب

ضرغام : اشتري الوان

الشيخ : هاك وليدي ماطول تتعلم شي اخذ

سهام : الغدة جاهز امشي نتغدة

الشيخ والشيخه : بعد مو هسه

ختام : بابا صيح ب الهام بس تضربني

الشيخ : بسجن بويه

سهام : عود من صدك ننتضر حضرة جنابه يجي يله نتغدة