" مــلاحقــة المـاضي "
Vote+ Comment فضلاً ولـيس أمراً
_____________
حـلات عويناتها على صوت القطوط والرواج الشارع شي غادي شي جاي، هي جات فقنت مخبع بين الدرب ماكاتبان لحد، ناضت ونفضات بلاصتها زعما كاتقادها صافي رشماتها دارها، خرجات بـشوية من تم كدور وتقرطع زغيبات من شعرها خرجات فوجه واحد المرأ بزربة تاخلعاتها : فيا جوع عطيني ناكل
بعدات عليها المرأة دغيا جارا بنتها : باسم الله رحمان رحيم
مشات مبعدة منها رجعات طلقات لواحد ثاني كتشدو وتمد يديها باش اشرليها تاكل كولشي كيبعد منها شافها واحد الراجل شارف قرب للحانوت خذاليها نص ايطرو دالحليب وفرماجة وخبزة وجابهوم ليها : الله ارد بعقلك ابنتي الله اهديك الله اصلحك لا حول ولا قوة الا بالله .
شداتهوم من عندو كدور وترجع تشوف تمشي وتجي مشات للقنت كلسات كضحك : شوف هانتا ناكلو، لا ماناكلوش.
جرات دارت راسها مقلقة عاودات توكضات كالسة : يالاه اجي ناكلو وصافي بعدو مني بعدو بعدو بعدو مابغيتش يالاه
بدات تبكي وتحشي فرماجة كاملة ففمها ريوكها بالبكا كيطيحو رجعات تكات راسها : مابغيتش انا ماشي حمقة .
ناضت مشات لشارع مدات يديها غوتات : وااااااسكت
خلعات واحد البنية بعدها باها عليها، رجعات لبلاصتها وكلسات : اجي ناكلو
رجـعات كلسات كتاكل ومرة مرة تغوت بجهد وترجع تسكت وتسـها .
وصل هيثم وربيعة لدار الورياغلي هبط بزربة كيدق تافتحاتليه ميمونة : السلام عليكم ياك شي باس ماكاين ؟
هيثم : فيين سميييرة
دخل بزربة مبعدها طالع تسمع الغوات ناض مراد ورحمة كانو يالاه كيفطرو وايمان هابطة فدروج طلاقات معاه نيشان نطقات بصدمة : هيثم ؟؟
مراد: ياك لاباس اش واقع
هيثم : سميرة اسي الورياغلي واش جات لعندكم ؟
رحمة جات بزربة كخلوعة : مـالها سميييرة فيناهي ؟؟
نظقات ربيعة بزربة ودموعها فعينيها : مالقينييهااش بنتي مشاااات بسباااب ولدكم مشااات ماعرفناااها فييين هزاااات راااس هادشي لي بغيييتو الله ياخد الحق
هيثم : الواليدة ماجايينيش ندابزو صافي راه ماكاينااش هناا يالاااه
مراد : بلاتي بعدا فيين البنت فوقاش غبرات ؟. كيفاش هزات الراس
YOU ARE READING
الرحمة 2 MERHAMET
Romanceبين الحياة والموت .. الحق والباطل .. الابيض والاسود .. الاستقامة والاعوجاج .. الخير والشر .. القسوة واللين .. خيط رفيع اسمه " طـَـه الوريـــاغلي " قصة الجيل الثاني منفصلة عن الجيل الاول تحذير قصة جريئة.
