يا غلطة ظلم باكت لذة العشرين

بارت ٢١

السلام عليكم
*********

# بقلم/ الكاتبه - سانسا
****************

ضحى : وراح للدوام عمو همام واني كعدت
وياهم بس شربت جاي وكامت بيبي وجدو
وعلي راح للدوام وكعدت غصون

غصون - اي عيني كافي شهر عسل يله من اليوم
تبدين تشتغلين حالج من حالنه

:  اول شي انتي مو بيبي علمود تئمريني

غصون -والله بعدج ماتعرفيني زين اني الكل
بلكل أهنا كلها تسمع كلامي وبس

: وأني شعليه اني مو مثلهم

غصون-  لعد شوفي المايسمع كلامي شيصير بيه

: وعافتني وراحت وكلت أشبيها هاي ولاكئنو
بت عمي شو هاي من بدايتها هيج ورحت يم
البنات اخوات عموهمام كعدت انسولف وشويه
أجتني بيبي

ام همام-  ضحى اليوم انتي اتطبخين غده خلي
انضوك طبخج

: وشفت غصون تضحك وكتلها اي بيبي من عيوني
شنو تردين غده

ام همام - همام يحب مركت البانيه سوي مرك بانيه وتمن

: ماشي بيبي ورحت للمطبخ بس اني ما أندل
الغراض المواعين وأجت سراى ساعدتني دلتني
على شغلات الطبخ

سرى - طبخي بهذا الجدر

: ماشاءالله شنو هذا شنو راح اطبخ للعشيره
واني صدك اعرف اطبخ بس ماطابخه هيج
كميه اهواي وبلشت اطبخ وسويت التمن
والمركه البانيه كملتها وحدي ماقبلت احد
يساعدني وهدرت التمن وسويت زلاطه

وكملت وصارت الصلاه الظهر وكلها اجو الولد
من الدوامات وصلينه وفرشنه السفره اباوعلهم
مستغربه هوسه وجهال تتعارك وكعدو وصبيت
الغده وأجه عموهمام

همام - السلام عليكم

ضحى : الكل ردو وعليكم السلام

همام - رايح ابدل وانزل

: وراح للغرفه كلت ما اصعد وراه أخاف يسمعني
أحجايه  وغلست ماصعدت ورتبت المواعين وأجه
عمو همام وكلها كعدت وكعدت يم جدو لان أشرلي ابصفه وكعدت يمه

علي - أويلي اليوم الطبخ كولش طيب منو طابخ
ام همام - ضحى طابخه

علي - ولله ضحى عاشت ايدج كلش طيبه

غصون-  لا والله اشبيه طبخنه عيني

علي -  لامابيه شي خلي اسكت لان اليوم
شيخلصني من السانج بعد مايسكت

: واباوع على عمو همام ماعلق ولا كال شي
بس ياكل خلص الصحن كوله وكملنه شلنه
المواعين ومرت علاء سوت جاي

غصو -يلله عيني ضحى المواعين عليج

: ترى اني ما اتعاجز من الشغل حتى لو اشتغلت
مراح ينقص مني شي
واني صدك ضجت من تصرفها بس تتئمر