" هــجـــران "
Vote+ Comment فضلاً ولـيس أمراً
_____________
وصلو لطموبيل طلعو السكات والصمـت سيد الموقف حتا وصل بيها حدا العمارة، تبسمات بشوية ناطقة : شكرا ادكتور
رمش بشوية كيشوف فيه : أنا عارف هادشي لي كدوزي منو ماشي ساهل وديما كنقوليك خاسك حتا نتي تعرفيه ولكن خلينا ديما قرابين ليك باش كولشي يفوت
تلبكات كتلعب بصبعانها حانية راسها: أنا مابغيت والو من غير راجلي، ولكن أنا غانولي مزيان على ودو، هو إلى عرفني وليت مزيانة على ودو غايرجع معايا.
تنهد بشوية وهضر : إنشــاء الله، نتي طموحة إلى بغيتي شي حاجة كديريها وهادشي ماعنديش فيه شك غاتوصلي ليه
حسات بأمل جديد فقلبها وتبسمات عاد نزلات شيرات ليه بيديها بحال شي طفلة قبل مايمشي ردليها الاشارة بيدو وخلاها تامشات دخلات عاد مشا .
طلعات فدروج كانت عمارة قديمة شوية فيها شقق كل جوج فطبقة من الديور القدام، وصلات لوحدة وصونات فتحات ليها مها الباب : إيوا شغانقوليك أبنتي زيدي دخلي .
شافت فيها بنص عين داخلة : مالكي ؟
ربيعة : واش غانبقاو نصلبو عليك مابغيتيش ديري عقلك فراسك خوك ثاني تخلع عليك
سميرة : كتخافو عليا ؟
ربيعة : لا غير تمشي تحرقي راسك ثاني
مشات گلسات كتحيد فسندالة من رجليها : علاش ماجبتيش معاك أمينة ؟
ربيعة : أنا وجايا بالسكات بٌّاك لا عرفني ينحرني
سهات حداها كتشوف : ماتبقايش تقوليليا بّا ماشي بّا هاداك
ربيعة : سكتي الله انعلك كوني تحشمي
ناضت مغوتة كتشوف فيها : قتليييييييك مـاشي بّـا، كون لقيت نحرقو تاهو
جات بزربة دفعاتها من راسها تاجات گالسة وهي تجمع معاها بقرصة من فخاضها : سكتي سكتي، ماتشوفينيش عارفاك مريضة وساكتاليك، رزيتينا فدارنا ورزيتي باك فخدمتو، عمرو يسمحليك طلبي تاخدي رضاه ونتي سايرا تمسخي، جاب الله هيثم حن فيك وجابك لهنا أما من عندو يحيدك من الحالة المدنية
عويناتها كانو حومر كتشوف فيها: ماعندي ماندير بيكم صبري يرجع راجلي وتشوفو
ضحكات باستفزاز : هاااهااااي قاليك راجلك تي نوضي والله مايولي يشوف فيك على داكشي لي درتي، صافي هاداك راجل نسايه نوضي ضبريليك على شي حد منهم هاد دكتور مالو على مزيناتًو واخا فايت فيه الزواج وعندو عزبة تانتي راه غادي طلقي هو يكون دواك وتخمدي فيه، أما باك السماحة هي لي ماتديهاش من عندو .
YOU ARE READING
الرحمة 2 MERHAMET
Romanceبين الحياة والموت .. الحق والباطل .. الابيض والاسود .. الاستقامة والاعوجاج .. الخير والشر .. القسوة واللين .. خيط رفيع اسمه " طـَـه الوريـــاغلي " قصة الجيل الثاني منفصلة عن الجيل الاول تحذير قصة جريئة.
