روح في بحر الظلام

الحلقة التاسعة والخمسون

:درووحي ياااعييني رووحي

ترد بنتهة بكل مرة نفس الطلب
:ماااماا اؤخذيني وييااااج

:لعد واني اكول بنتي الكبيرة وعليج الاعتمااد

تضحك وتسكت بس تطلع ينتشرون

اكثر شي لفت انتباهي حنية الكبير عليهة من تمدلي راسهة تسولف يحط اصابعة بين راسهة وبين طرف الشباك

احسس بحركاته ينتزع رووحي
يرووحي ياازياد هيج وترد الية

:اكلج انتي صدُك بيج كرونا
:اي روحو يلا لعد مو وصتكم متوصلون للشباك

:بااعي بس بااعي هااي شنو النقاطات  بوجهج لعد شبيج متغسليهم

:هااي ماما من تسوي كليجة اوكف يمهة وصار بيه هيج
:عزاا يعني واكع عليج السُمسُم

تذكرت تنمر مشمش علية  ضحكت وريت بتكذيب

:لاا لاا اكلتة ماما اكلتني سمسم وصارو

باوعت ل اخوها بسرعة :بطتني تعورني خاابر ماما تجي اريد سُمسُم

:كذااابة انچبي

نزلو من الشباك طايرين بيهة احسسهم يردون ياكولها ياارب تحميهم وتحفظهم ولا يتفرق شملهم بحق اسمك الاعظم يارب
رجعو للشباك ردت تكلمت بضحك

:لعد لويش مسموج سمسمية

:ليش اسمي مو حلو

:لا حلو بس انتي سمسمية تعرفيها يبيعووهاا هي حلوياات

اخوها: لج دعووفيهاا للبنيية ششلعتي گلبهاا لج عنووني كااافي انززلي

شاايلها يريد ينزلها وهي تمسكت بحديد الشباك

:اكولج سمسمية تزعلين هي حلوياات مو مسبة

:لا يروحي عاادي گولي سمسمية

بعدها
عدت الايام وصار تقريبا اسبوع او اكثر
گلبي صارت تنخفض ضرباته احسس بصعوبة اتنفس  من قوة التفكير السلبي والشوق
من زياد الى مشمش الى سرى الى ماما
صرت اتعب حيل اتعب ولا حافضة رقم ولا اگدر اتحرك
رغم عديت مرحلة
صرت اگدر اگعد وحدي صعبة لكن اخفف حملي على نجاة اللي ماتململت ابدا بس كانت خايفة تنطرد من عملهة

بهذا اليوم بالليل كنت منتضرته على احر من الجمر اريد اتوسلهة على خبــر او رقم تدبرليا گلبي تعب من التفكير

اجت شافتني گاعدة وحدي ابتسمت

:اللهم صل على محمــد وال محــمــد ، فدووة بنيتي يوم الأشوفج واكفة على حيلج وافرح بيج

ابتسمتلها بأمتنان على لطافتها وطيبتها
بعدها دمعت عيني اريد اطلب وما اعرف شلون خجلانة منها
:شبيج رانيا محتاجة شي أمي گولي
:باعي فدوة ارريد رقم اهلي بالي يم امي مريضة ومشلولة وما اعرف اخبارهة وبيبي بعد بيها كورونا بس دبريلي رقمهم