روح في بحر الظلام

الحلقة التاسعة والخمسون

:الله يريد يصخم وجهي گدامج شسوي

:زيين بسس رجعني

:صـــار هسـة خل نرجع لبيتنة ونتفاهم
:لااا تگول بيتنة مااعندي بيت يمك اني بيتي اهلي بيت امي

:كاافي لاا تبچين مو گلت نتفاهم

الاطفال كانو يباوعون من الشباك من شافهم اششرلهم

عنونه: لااا عيني لاا ماما كالت بيكم كروناا

ضحك ورد بس هي بيهة

:سمسم ؟ ادرري بيهة بس حلو

باوعلي عاقد حاجبه ومبتسم :سمسم ؟

دخلت نجاة مبتسمة تباوع لقيصر  :هااي عاجباتها الشامات تسميهم سمسم
يباوعلي بأبتسامة
التفت على نجاة من حجت
غداك يمي اليوم سيدي
:لا مشكورة متأذي أريد ارجع مشكورة امي ماقصرتي
:خيركم سابق عيوني سويت واجبي

:بس اريد تساعديها تگعد بالكرسي واني اصيح الولد ياخذوها

التفتتلة فاازة :ووييين ياااخذووني
:للبيت رانـــيــا نجاة هوواية اشتكت منج تگول اطبخ منا تاكلة مناا عيب عليج

:عزززااا

:لاا والله حبيتي يشاقة وياج ،عاد رناوي نسمة فدوة لعينها

صارت تلم بأشيائي بالجنطة كلشي الملابس الاشياء الخاصة بالبنات ادوات التنضيف اللي اهمها كان الة حفافة وردية صغيرة ماكنت استغني عنها ابدا

انضف بيهة جسمي وجهي
صح بطيئة لكن متعودة عليهة
وهاي حالي كان قبل المرض اني ماكنت موسوسة بس كنت نضيفة رغم الشعر كان يطلع ناعم بس ما اتركة من الخامس ابتدائي واني هيج ومشمش كذالك الهة الة خاصة
الحمدلله الشكر لله بلغت مراحل صعبت علية وتخطيتها بدون ما تنكشف خصوصيتي على احد مرراحل مريرة واقصى شي اسمحلهم بي يوصلوني للحمام    ونجاة كانت لما تساعدني وتنضفني تغطي عوراتي وكانت تجيب كمية كبيرة من المستلزمات حتى لا اطلب منها

اتمنى ارد الجميل الهة بيوم لما اشكرها كانت ترد ما متفضلة عليكم ماما دا استلم راتب وزيادة
بس هي كانت تستحق على اخلاصها وياي كانت لي مثل ملاك حتى قبل ماتقوى علاقتي بيها

كثير ناس يعملون وياخذون رواتب لكن عملهم يكون بتململ وغير مبارك بسبب عدم رضاهم مهما يكون عمل الانسان لازم يتقنه خصوصا ملائكة الرحمة اللي هم الممرضين اسأل الله ان يزيح حتى بقايا ذرات القسوة من قلوبهم لان الناس اللي تحت ايديهم بحاجة الى اطنان من الرحمة

صعدتني بالكرسي كنت  ضايجة
اريد وما اريد اطلع منا

:شبيج ماما على شنو تبچين
:اكرهم والله عفية احجي وياه يرجعني هو يسمع منج

:ليش أمي دتشوفي شلون من المستشفى الج ماواصل بيته ليش هيج

:خاال شلوون افهمج بسس ما أگدر بس اريد اروح ل اخواني