فاروق : فتحي الباب مو احجي وياج شو متحترمين
روح : طلكني
فاروق : اشوفج تموتين سبع موتات وادفنج بيدي وما اطلكج
اصيلة : جنكم ابوكم
فاروق : اصييييلة
اصيلة : شكلنة ابني
روح : فتحت القفل ومديت راسي .. انطيني بنتي وطلكني .. دفر الباب ودخل حط وجهه كبال وجهي وصرخ
فاروق : شترررريدين اكثرررر مني بعددددد كلبي شلعته وحطيته بيدج علمووودج نسيت اني منوووو
روح : وديني لهلي اريد امي
فاروق : اني امج
روح : لا عوفني اعتقني الوجه الله لا انت ارتاحيت وياي ولا اني شفت يوم حلو وياك
فاروق : كافي ظلم ما تعبتي من عرفتج اذبين اللوم كله علية خليتيني اكره حتى روحي
روح : بعد ما اظلمك اريد استقر .. اتنازل عن جدي وهوه راح يسامحني اخذ بنتي وارجع اعيش يم اهلي واذا جدي ما طلع هم ارجع اعيش وياهم اني مو روح القديمة وسهل ياكلوها الدنيا قوت كلبي .. قبض ايدة ولزم ركبتي عيونه جاحضة
فاروق : عقلي يكلي كسر سنونها بحلكها بس راح استخطيج
روح : عافني وطلع ركع الباب حسيته راح يتفلش اختنكت من الغرفة اخذت ملابس وطبيت سبحت لعبانة نفسي من المي الشمرته علية .. خلصت ونشفت شعري وطلعت بملابسي ماكو احد بالبيت
نرمان : رورو تعالي يمنة كعدي اليوم مطنشتني وما شلتي ادومي
روح : كعدت يمهم بالصالة شعري يندي فتحت الخاولي شمرته وشلت ادم خليته بحضني بسته بخدة ناعم وملامحة تخبل بس عاقد حاجبة وميضحك .. يمكن يشبه فاروق
نرمان : ههههه ليسمعج
نرجس : ليش تعاركتو قبل شوية
روح : ما اتعاركنة جنه نسولف
نرجس : سمعت صوتكم عالي
روح : لا متوهمة
نرجس : صارلكم شكد من ازوجتو يعني شنو تاريخ زواجكم
روح : صار عندي مغص وخفقان باوعت على نرمان .. قبل اقل السنة
نرجس : بس اني سمعت قبل 6 شهور لو 7 شوكت حبلتي
روح : حاجتني بنترة وعقدت حاجبها تنتظر مني جواب .. خالة هوه هيج لان اني ناسية
نرجس : تنسين تاريخ زواجج .. زين شوكت حبلتي من ليلتها !
روح : لا وراها .. اي يمكن من ليلتها دايخة
نرجس : ها
روح : كلبت وجها علية وشالت ادم من حضني خلته على رجلها تهز بي انهضمت وسكتت .. للعصر راحت ويا حكيم للطبيب وقريب المغرب رجعو
أنت تقرأ
على قمة الحكيم ( الجزء الثاني )
Romanceمعشر أمسكت حلومهم الأر ض وكادت لولاهم أن تميدا فإذا الجدب جاء كانوا غيوثا وإذا النقع ثار ثاروا أسوداً تتبع الهوى روحي في مسالكه حتى جرى الحب مجرى الروح في الجسد.
البارت التاسع والثلاثون
ابدأ من البداية
