اختلاس الكلف

اختِلاس ثاني وعشرين ⚜️

- اختِلاس الكَلف -
- سجى حسين -

- ثاني وعشرين ⚜️ -

﷽ .

مـثل ما كتلكم ؏ حسابي اذا اكو تفاعل وتعليقات
؏ هذا البارت بين فقره وفقره فـ انشر بارت السبت
اذا ماكو اكو فـ بعد كُل خميس بارت واذا شفت
تفاعل ؏ هذا بارت فـ انزلكم بارت 23 وكُلش طويل
وحلو ومليان احداث يوم السبت .

——

- الصدمه من شفت دسيم واكف يم حمد
ومخلي رجل ؏ رجل ومنتظرني، شهكت من
الخوف والرعبه !

- فتحت عيوني ؏ كبرهن وانصدمت بوجودة
هاهيه كل شي انتهى عرف اني حامل وراح
ياخذ بنتي مني اكيد ..

- باوعت ؏ تينا وهيَّ هم باوعت علية صار
وجهنا يذب الوان بلعت ريكي وغمضت عيني
وزفرت انفاسي كلها

- واحد يباوع للثاني باستغراب خفت من ردة
فعل دسيم سكوته والغضب اللي مرسوم ؏ وجهه
يدل ؏ انو اكو مصيبه جاي تنتظرني

- افترت عيني ؏ الكل وركزت عيني ؏ دسيم
مشيت باتجاههم بكل هدوء حتى ما اخليه يحس 
تقربت منهم وظليت افرك بايدي من التوتر
وهمست برجفه

ديرين:- دسيم شتسوي هنا انتَ

- حركت عيني ؏ حمد عكدت حواجبي باستغراب
سكوتهم اثنينهم خوفني ما نطق حرف واحد وظل
ساكت وعيونه تطلع منهه شراره والغضب

- رفع حاجبه وحك لحيته وباوع علية من فوك لي
جوه لزم ايدي حيل وقربني اله وصك ؏ سنونه

دسيم:- امشي وياي اليوم ليلتج سودة

- سحبني عليَّ بقوه ومشه حاولت اهد ايدي
منه بس كل ما احاول اهدها يضب قبضتة ؏
ايدي، وقفنا صوت تينا تصيح ورانا !

تينا:- اوكف وين ماخذها شنو تريد
تسوي اوكف خل افهمك الموضوع كله

- ما اهتم الها وراد يكمل طريقه عاطت بصوت
تينا:- انا مو احجي وياك اوكف خلي
نتفاهم مو كل شي ينحل بـ العصبيه

- وكف بنص الطريق ودار ظهرة ؏ تينا ورفع
اصبعه يهدد بيها ويصيح والعالم يباوعون علينه
وهمه ثنياتهم واحد يصيح ؏ ثاني واني متت
من الخجل انفضحنا !

دسيم:- اذا توصلين بعد للبيت اني اعرف شنو
اتصرف وياج واذا تخليها تطلع من دون علمي
احسب الله ما خلقج لا تخليني اطلع عن طوري
واخليج بالي لو مو اخت مرتي فهمتي اني مـو
واحد طرطور تجين تطلعين مرتي ويا هذا بـدون
علمي ذيج المره سوتها وحذرتها كلت الها ما تعيديها
بَس هالمره هم سوتها بعد ماكو السماح .

تينا:- انتَ قبل ما تحجي هذا الحجي مالتك
افتهم هيَّ ليش ضمت عليك مو كل شي عـندك
ضرب واهانه هيَّ هم اختي ومن حقي ادافع عنها
حتى لو انتَ جنت زوجها انا شلون راح أأمن عليها
واعوفها وانتَ هيج تعاملها مثل الحيوان اللي عندك
شنو انتَ ما عندك ضمير احنى هسه بالشارع وهيج
تهجمت عليها لو بس همك رجولتك وكبريائك