꧁ රෝස ꧂ ✓ 𝕐𝕀ℤℍ𝔸ℕ ✓

🌹 විසි හත්වන දිගහැරුම 🌹

🌹 රෝ ස 🌹

..

..

..

..

ශාන් උන්නෙ ජනේලෙන් එහා පේන ඈත ආකාසේ දිහා බලාගෙන... නිල්ම නිල් පාර අහස හරිම පැහැදිලියි.. තැනින් තැන වලාකුළු කුට්ටි කුට්ටි එක්කහු වෙලා බලන්න ලස්සනයි.. ශාන් ඒ දිහාම බලන් උන්නා..

චෑස් චූස් ගාලා කෑ ගහගෙන යන කුරුලු රංචු දකිද්දි ශාන්ට දැනුනේ පුදුමාකාර ලෝභ කමක් ..

ඒ ලස්සන පවුලක් වෙන්න ඇති... එයාලා එකට ගමනක් යනවා වෙන්න ඇති... අම්මයි තාත්තයි එක්ක පැටව් නෑගම් යනවද දන්නෙ නෑ.. එයාලට ඉතින් සල්ලි ප්‍රශ්නද.. එයාලට වතුපිටි වල ප්‍රශ්නද.. ආදර පලහිලව් වල ප්‍රශ්නද නේද.. එයාලට කොයින්ද ප්‍රශ්න.. එයාලා නිදහසෙ ඉන්නවා... ගහක හැදෙන ගෙඩියක් කාලා මල් පැණි බීලා එහේ මෙහේ පියාඹ පියාඹ එයාලට ලැබුන ජීවෙතේ නිදහසෙ ගෙවනවා..

ඒ කුරුල්ලෝ ශාන්ට වඩා කොච්චර වාසනාවන්තයිද කියලා ශාන් කල්පනා කරා...

ඒ කුරුලු අම්මට ඒ දවස්වල උබ වලව්වෙ කුරුල්ලෙක් ඔය කඩේ කුරුල්ලට නම් තෝව දෙන්නෙ නෑ කියලා එයාලගෙ ගෙදරින් කියන්න නැතුව ඇති.. ඒ කුරුලු අම්මව ශාන්ව වගේ එයාලගෙ ගෙදරින් හිර කරලා තියන්න නැතුව ඇති... ඉතින් එයාලා ගොඩාක් ආදරේ කරලා කසාද බදින්න ඇති... දැන් බලන්න එයාලට බබාලත් ඉන්නවා...

ම්ම්ම්...

ශාන් ලොකූ හුස්මක් පහළට දැම්මා... ගෙවිලා ගිය සති දෙකට ශාන් උන්නේ පණ තියෙන මළකදක් වගේ.. ශාන්ට කාත් එක්ක වත් කතා කරන්න ඕන කමක් තිබ්බෙ නෑ.. ශාන් ආට් ස්කූල් එකට ගියේ නෑ.. හැමෝම ප්‍රශ්න කරත් ශාන් ඒවට උත්තර දෙන්න ගියේ නෑ.. ශාන් කාමරේට වෙලා ඔහේ උන්නා... ශාන් හැමදාම කරේ මෙන්න මෙහෙම සදලුතලයේ ඉදලා ඈත පේන අහස දිහා බලාගෙන කල්පනා කරපු එක...

ශාන්ව එක් වරම ගැස්සිලා ගියේ තමන් හේත්තු වෙලා උන්න බැල්කනි ගැට්ටට ඇවිත් වහපු කුරුල්ලො දෙන්නෙක් නිසා..

ඒ දෙන්නා කපල් එකක්ද...

ශාන්ට ආව ලොකුම ප්‍රශ්නෙ ඒක.. ශාන් ඒ දිහා බලන් උන්නා.. බලන්න ඕනා ඒ දෙන්නා මොනවා හරි කියෝනවා... සද්ද දදා කියෝනවා..