على قمة الحكيم ( الجزء الثاني )

البارت الثامن والثلاثون

حكيم : شكلولج عليه كوافير

نرمان : مسحت الزوائد وبقيت الصبغ لزمت رجل ادم واخذت صورة

روح : كعد بصفي فاروق لزك بيه وخلى ايدة ورا ظهري بقيت مركزة وياهم باوعت الادم علي وكنان ملتمين فوكاه وعلاوي مبرطم

علي : يلعب النفس اريد امي

نرمان : لتكول علية هيج اخوك هذا

نزار : لك بعد ميحبوك ويدللو سمعت امك تكول نفرشله بالحديقة ابوك كللها خطية الضفادع تاكله كلتله لا عود اذب عليه مفرش

فاروق : شنو سيارة ويچودرو

علي : صدددددك يممممممة

روح : كلهم يصحكون الا اني وفاروق صافن على الباب وعيونه تلمع

نرمان : انت الاصل معليك بعمو زوز تبقى حبيبي

كنان : بعد عندج جهال ثنين متحبيني !

نرمان : حضنته وبسته بخدة .. اموت عليك انت روحي بهاي الدنيا

كنان : لوح هم احبها

روح : ابتسمت .. وحطيت ايدي على خدي للعصر لزمت روحي ما ابجي بس ما حجيت ويا احد اجتي نجاة جايبة جدورة وياها ودتهن للمطبخ وصبت الاكل وكام نزار وياها ينقل بالسفرة

نجاة : عمتي هيه لفت الدولمة وسوت السوب اني بس طبكت البرياني

روح : بقيت على كعدتي بس ملهوفة اضوك الاكل لان بيبي مسويته اشرلي فاروق اروح اكعد يمة هزيت راسي بالرفض وانداريت من جهه الثانية حتى ما اشوفه

فاروق : كومي اكلي

روح : قبل شوية اكلت خلص حتى نروح

نرجس : يمة كومي اكلي لكمة وذبي هذا الاسود الابسته فاله موزين على الصغيرونة

روح : مرتاحة بي

نجاة : كومي اكلي ما مشتاقة الاكل بيبتج جنتي تجين من الكلية تركضين ع الجدورة

روح : نزلت بالكاع كعدت يمهم ريحة طبخها اميزة من بين الكل اكلت لكمة واجتني هواجس اني شلون اكل وبنتي ميته اجيت اتخبل من التفكير شمر الخاشوكة من ايدي وصفنت على الماعون بعد ما اكدر انتنفس

_ شوية وحسيتة دغني وفتح حلكي وكلني لكمة بلعتها وضربته على ظهرة

فاروق : العامود انعوج

روح : بعد ما اريد شبعت .. حجى بيني وبينه بهمس

فاروق : اكلي روح لتعاندين تعبتيني فوك البيه انتِ

روح : كمت من يمة ورحت للغرفة سديت الباب وكعدت وحدي احس الدنيا سودا بعيني لميت نفسي وبجيت انتظرت المغرب وكعدت على نار منتظرته ياخذني ظلمت الدنيا وهوه ماكو ..

نرجس : حبيبتي اجو خطار علمودج تعالي طلعي

روح : فتحتلها الباب ومديت راسي البيت هوسه وصوت حجي عالي