الرحمة 2 MERHAMET

PART 54

" شـَـهـرُ رمـضـان "

Vote+ Comment فضلاً ولـيس أمراً

_____________

تنهد طه ودور راسو لجنب ماقدرش يشوف المنظر، صعيب باش تشوف واحد منبوذ ومقطوع من الشجرة شي حاجة لي كضر فالخاطر بزاف، خصوصا منين كترجع وتشوف راسك كيفاش كبرتي ولقيتي كولشي معاك وجنب فضل أن واحد ثاني كبر معذب ومنعت بولد الحرام، استغفر الله فخاطرو وحمدو وشكرو فنفس الوقت، هاكا خاس بكون ديما الانسان كل نهار يحمد ويشكر الله على النعم لي عطاه، ريتال عينيها دمعو ماقدراتش تزيد تشوف مزال واخا كتشوف هي لي كبرات بين عائلة وعاشت بزاف دالحوايج خايبين أهون من أنك تكون بوحدك لا حنين لا رحيم.

جراتو رحمة وناضت واقفة عنقاتو بكات فالحضن ديالو، تبسمات ريتال كتمسح الدموع فعينيها كتشوفو كيحقق حلمو قدام عينيها الحاجة لي تمناها حياتو كاملة، ماعرفاتش لاش جات فبالها باها وتم نيت هجرات ضحكة شاف فيها طه بحالي فهمها حط يدو على يديها: غانقنعو ماتخافيش خلي الآمر عليا.

تبسمات كتشوف فعينيه بفرحة كانت صائبة منين جات لطه نيشان حيت عرفاتو ماغاديش يخيبها، خلاه تاسالا مع رحمة وناض شد على كتافو ضربو بجهد مبسم: مرحبا بولد خالي فعائلتنا، نتا واحد منا دابا لي ضرك يضرنا.

رجعو تعانقو وزير عليه: حتا نتا أولد عمتي لي ضرك ضرني وأنا واقف معاك النسر فكولشي.

رجع شاف فيه: نوصيك على حاجة وحدة

صلاح: توصيتك فوق راسي

جرها من يديها لعندو: ريتال، ديرها فعينيك، وفوق راسك ماتخمموش على خالي حسبو موافقتو على دمتي، بغيتكم تفرحونا مور هاد رمضان كلما حللتو لي بيناتكم كلما غاتكبرو فعيني.

عنق ريتال جنب وصلاح تبسم ليه: كون هاني الى كتب الله الخطوبة هاد رمضان.

طه: الصلاة على النبي الله ابارك ليكم.

ضحكات رحمة فرحانة كتشوف فريتال ورجع طه كلس حداها طبطب على ضهرها تاشافت فيه دارليها حركة بعينو واش مزيان حركاتليه راسها باه، دارو قهوة بيناتهوم وكلسو ساعات كيهضرو ماسخاوش بالكلسة والحنين والشوق، تالشي وقت عاد تفرقو وكلو الأمر لطه هو لي غايقدر ييحل هاد الأمر بين لي بقا.

وصل ريتال ورحمة وتم راجع حتا جاب الشكلاط لبنتو أبدا واش نساها، كيهموه تفاصيلها الصغيرة أكثر من أي حاجة تهلا فيها مزيان عاد تم راجع مع دخل لدار بقا كيقلب عليها بعينيه مالقاهاش، طلع نيشان لشومبر تاكيشوفها كالسة بشوميز دونوي كانت ديجا شراتها فالكحل، بعكر حمر فمها وطالقة شعرها، ضحك خلاها تاهي ضحك وسد موراه الباب ناضت بشوية كتقرب ليه.