الرحمة 2 MERHAMET

PART 53

" تــصــفيـة الـقـلـوب "

Vote+ Comment فضلاً ولـيس أمراً

_____________

شدات من عندو الطاس بشوية تفكرات أول نهار كان قادليها القهوة فدارو لي فايتوزين، ضحكات: سمحليا على الطاس دالقهوة لي كنت هرستليك أول نهار.

وهو كيقاد الطاس لراسو تبسم: باقا عاقلة !

ريتال: أكيد شكون غاينسا أول نهار تلاقينا.

شاف فعينيها بلمعة هز يدو حطها بشوية على حنيكاتها: من أول نهار طاحت عيني فعينيك مانسيتكش، شكرا حيت نتي فحياتي أريتال، واخا ماعارفش الجواب ديالك شغا..

قاطعاتو شادا فيديه: أنا قابلة

حل عينو بشوية فيها مالحقش يستوعب كملات هضرتها : حتا أنا بحالك أصلاح عايشين أنا وياك حياة وحدة عليها أنا قابلة ولكن بغيت كتابي يتكتب بكنيتك الحقيقية الخداوي.

حسات بلمعة فعينيه بحال دمعة شعلات قلبها بألم نطق بهدوء: واش كتقولي هاد القرار من قلبك

ريتال: أه حنا كلنا درنا أخطاء فحياتنا كاينين أخطاء بيدينا وكاينين أخطاء حتماتهوم علينا الدنيا، وأنا وياك مشاركين فبزاف دالحوايج، ماتبقاش تقول ماعندكش عائلة حنا كلنا عائلتك، وأتا غانوقف معاك تايقبلو.

شدات فيديه: خلي حبنا يوقف ضد كولشي

شد يديها ونزل باسهوم تاغغرغرو عويناتهوم كيبوس فيهوم ويشم ريحتهوم أي حاجة فيها كتخليه ذاب ماعرفش شنو دار فحياتو باش ربي يعطيه انسانة بحال هادي، رجع شاف فيها: نتي كولشي فحياتي، نتي الانسانة الوحيدة لي عطاتني أمل جديد فهاد الدنيا لي مانصفاتنيش، نتي بوحدك أريتال.

سرطات ريقها: ونتا قابل عليا ؟ أنا ماشي كلي زوينة تانا درت بزاف دالاخطاء فحياتي قابل عليهوم ؟

حاوط حنيكاتها بيدو: شش كلك زوينة كلك تاحاجة فيك ماناقصة، وكلنا عندنا أغلاط، غانتجاوزوهوم بجوج.

عنقاتو مطبطب عليها كتحس بسدرو دافئ سدرو الحنين والوحيد لي حتاواها بكولشي ديالها، لي عمرو حسسها بنقص وعمرو حسسها بصدماتها فالحياة لي بغات تجاوزهوم.

رجعو شربو كافي مع بعضياتهوم وهوما كيتعاودو لأول مرة ريتال كتعاود على فترة لافاك ديالها وكيفاش كانت عايشة فالحرم الجامعي وجماعتها مع طه ورضى وشحال عاونها فبزاف دالحوايج، شحال من بلان كيسمع ليها بهدوء ولا قاطع بلعكس منغامس فالحديث ديالها.