أنفال
Part 8
بقلم روجينا*************************
أنفال
حاول يجرني ويا لباب البيت بس جلبت ما كدر ياخذني سحبت اللثام من وجهه ما خلاني اشوف وجهه كبل دفعني وكعت على وجهي ايدي انلوت جواي و حنجي انضرب بحافة الحديقة
_ اخخخخ ايدي
بقيت بالكاع ما اكدر اتحرك باوعت هذا اختفى اندفع الباب بقوة دخل ذياب يركض كال
_ أنفال وينن راح
_ الحكه هرب هرب
خلاني هيج بالكاع و ركض برة البيت بقيت بمكاني ما اكدر اتحرك ايدي تاذيني بشكل مو طبيعي اريد اعرف بيبي وين معقوله ما كامت على صوتي
_ اخخخ بيبي وينج بيبي
دخل ذياب باوع عليه بعدني على حالي كومني كال
_ أنفال تعرفين منو الي دخل تعرفتي على وجهه
_ ذياب ايدي تاذيني
_ خلي اشوف بالله
لزم ايدي عطت بصوت
_ عوفها عوف ايدي توجعني
_ اوكفي يمكن مكسورة ايدج لازم اخذج للمستشفى وين جدتج
_ ما اعرف حتى على صوتي ما كامت
راد يلزم ايدي هو يمشيني
_ عوفني اكدر امشي
هز راسة دخل قبلي للغرفة كمت امشي على كيف دخلت شفته مخلي ايدة على انف بيبي يفحص نفسها كلت بخوف
_ شبيها بيبي
_ لا تخافين ما بيها شي بس مخدرينها
_ شلون يعني يمكن مو زين عليها
_ لا تخافي بوية نفسها طبيعي
كعدت طلع موبايلة دك على شخص كال
_ عمر جيب وياك دورية تعالوا لمنطقتنا
_ اكل تبن و يلا سوي الي كتلك عليه
_ عمر اني شكلت ليش بالكوة تريد تصير قشمر
جنت مركزة ويا قفلة باوعلي كال
_ كومي البسي اخذج للمستشفى
_ لا اريد ابقى ويا بيبي حتى تصحى
_ أنفال بنيتي ايدج مو زينه
أنت تقرأ
أنفال (باللهجة العراقية)
Mystery / Thrillerندخل انا وياكم و نفتح الابواب عن حياة أنفال و المطبات الي مرت فيها بحياتها و هل وقفت عند هاي المطبات ولم تكمل حياتها ام هناك شخص أمسك بيدها لكي يكون سندا لها أو كانت هي سند لنفسها كل هذا راح نعرفه من خلال أنفال