على قمة الحكيم ( الجزء الثاني )

البارت الخامس والثلاثون

فاروق : وينهن

روح : فوك الكنتور .. نتر ثوبي وراح سحبهن بيدة طكطك منهن ما ادري شكد وبلعهن بدون مي شهكت ابجي بصوت عالي

فاروق : ليش تبجين أذيتج

روح : لا بس البعير ليزاكط يتعاطة ويضربني ويضرب اخو تريد اطلع اكللهم اخوكم ابو كنان الشايفي خوش زلمة يكوم ينطح من يحتاج يبلع انت انت مريض روح اتعالج

فاروق : ليش اجبريني اشوفج شي ميعجبج

روح : بطني توجعني كمت لبست شالي اريد اطلع دفعني يمنعني .. وخررر

فاروق : وين رايحة نامي بعد

روح : هيج اريد اطلع اكعد برا

فاروق : عبالج اخاف منهم هههههههه غلطانه روح اني ما اخاف

روح : هدني اريد انام بالهول ما انام يمك وما احجي شي

فاروق : جذابة

روح : كافي كافي اطلع اشرب شتريد اسوي سوي بعد متهمني ولي ولي وجهك ما اريد اشوفة فتحت الباب وطلعت للهول جانو الكل كاعدين من شافوني مانزلو عينهم مني

نزار : كولي الرجلج اذا طلع من الغرفة اسكطه

حكيم : كتلك معليك

نزار : سلابيح سلابيح تاكل بيه لو سامع كلامك .. لج انتي شلون متحملته حكيم يضربها عبالك صاحبه

روح : اخو عضله شفة سكت شوية ورجع حجة

نزار : انتي شلون متحمله تكملين ويا انصحج اطلكي واني اشوفلج عريس احسن منه

روح : وكفت الدمعة بعيني اني وين وهذا وين فجأة سمعت صوته زمخ بي

فاروق : نزاررررر اجي امسح بيك الكاع

نزار : لا حبيبي الكاع نظيفة

روح : شفته دخل للحمام تركتهم ورحت للغرفة تغطيت وكعدت ابجي ليش ليش هيج انحرمت من كلشي احبه وضحيت بكلشي علمودة وحباية ميتحمل يعوفها علمودي .. كلبي انترس حقد عليه غفيت واني ابجي

_ رن بأذني صوت الاذان واندغيت برجلي مثل الدغدغة رفست بيها ولميتها الصدري شوية وصار صوت .. ميوووو وصرخة طيرت عقلي من راسي فزيت ابجي بصوت عالي

_ كااااافي كاااافي ما اتحمل بعد كاااافي تعبت

_ روح روح شبيج باوعيلي

_ اتجاهلته وطلعت فتت للحمام فتحت المي البارت وغسلت وجهي وشعري لزمت الصابونه فركتها بأيدي وخليتها ع وجهي رفعت راسي ع المراية اريد اغسل باوعت وجهي اسووود فحم وبس بياض عيني مبين صرخت وكمت اغسل بوجهي بهستيريا .. سمعت خطواته شال مي وغسل وجهي

_ هاي شنو شخليتي بوجهج وهيج صار باوعيلي

_ حسيت روحي راح تطلع من الخوف مسح وجهي بالخاولي وطلعت معدتي تكلب وجسمي يرجف مثل السعفة كعدت بالصالة وطلعو كلهم تجمعو بالهول