على قمة الحكيم ( الجزء الثاني )

البارت الرابع والثلاثون

_ هممم

_ افتحي عينج

_ فتحت عيني وصار بوجهي لسان القط لحس وجهي وكمزت من الفراش .. لاااااا لااااااا رااااااح امووووووت عووووفوني عوووفوني

فاروق : منو يعوفج

روح : وجهي وجهي غسلي وجهي .. جاب دولكة مي وحط بيدة ومسح ع وجهي

فاروق : اعوذ بالله من الشيطان الرجيم تعوذي

روح : رددت بلساني اتعوذ كعدت كلبي يدك سريع حسيت روحي ماعت كوه اجر النفس

فاروق : ما انام بعد كاعد شوفيني

روح : كعد بصفي ارتجيت ع جتفة واخاف اغمض عيني اصر عليه اغمض ورفضت باوعلي بنفاذ صبر

فاروق : ما انام والله بعد ما انام حطي راسج وغمضي

روح : حطيت راسي بحضنه وغمضت عيني ما صدكت شوكت غفيت

_ ثاني يوم كعدت قريب الظهر لكيته ماكو تارك رسالة ع الميز مكتوب بيها ..

_ اني رايح للدوام هاي الفلوس الج روحي للدكتورة ويا نرمان نزار يوديكم ومن اطلعين تلكيني قبلج واكف اضرب الاجتماع واجيج

روح : طبكتها وضميتها سحبت الفلوس خليتهن ع الرف بدون ما احسبهن طلعت افرك بعيني نرمان تبدل متأخرة

نرمان : عفية حذائي وين جنطتي وين ضيعت كلشي حكيييم استعجل

روح : جبتلها جنطتها بالمطبخ لبست حذائها وطلع رجلها فلوس

حكيم : هاي للدوام تكصي بيهن

نزار : شكدددد شنو 100 دولار جنت اعزم الولد بخمسة وعشرين انزل حتى العميد بالنادي

حكيم : هاي مو يوم واحد تبقى بيها اسبوع

نزار : اي هواي

نرمان : نزوري انتَ ضرتي !

روح : تراددت هيا ونزار وطلعت تركض وهوه هم طلع وراها بعد ما كدرت انام بقيت احوس بالبيت

_ للظهر اجوي نزار ونرمان بقو منتظريني جوه بدلت وجبت وياي علي وكنان نزلت جوه الملابس ضيقة عليه لان قديمة

_لبست برجلي وصعدت وياهم

نزار : شايل تريلات ثنين

روح : سوق وانت ساكت

نزار : حاضر مدام

روح : اخذنه لدكتورة بمنطقة حلوة نزل حجز ورجع للسيارة

نزار : اوامر عليا متنزلين الا يطلع اسمج

روح : وشوكت يجي دوري

نزار : انطيت زيادة فوك الكشفيه يدخلوجن سوه

روح : شويك ونزل اجه فتحلنه الباب نزلت ويا نرمان ورجع صعد

نرمان : مدري شبيه خايفة

روح : يمعودة منين .. دخلنه للدكتورة بدت بنرمان حطت السونار ع بطنها وكالت

الدكتورة : ولد وصحته كلش زينه وحالياً داخلة الشهر السابع

روح : باوعتلها فرحانه وجها احمر .. نزلت من السدية وكتبتلها علاج .. اجة دوري وكلبي يدك سريع

الدكتورة : شوكت اخر مرة سويتي سونار

روح : ممسوية ابد

الدكتورة : عجيب

روح : تمددت خلته ع بطني وعقدت حاجبها احس كلبي وكع بين رجلية

الدكتورة : امممم بنوته وصحتها زينه يعني

روح : بنية وحدة

الدكتورة : هههه اكيد وحدة چا شكد

روح : باوعت ع نرمان وسكتت

الدكتورة : حاولي لتتحركين هواي الطفل نازل وعندة خمول نامي ع ظهرج وانتضمي ع العلاج الكتبته الج

روح : هزيت راسي ونزلت من السديه اكو شي بداخلي فرحان اثبتلي حصة جذابة ومو مثل ما جنت مفكرة

نرمان : خاف ضايجة ! ترا اني جنت اتمنى تجيني بنوته اموت ع البنات

روح : لا ابد بالعكس فرحانه .. طلعت من الدكتورة اريد اصعد وشفت سيارة دكت هورن رفعت راسي شفته فاروق

فاروق : جيبي كنان وتعاي

روح : نزل كنان وصعد ليورا فرحان صعدت بصفة وانطيته الراشيته وياها السونار

فاروق : بشري

روح : بنيه وحدة .. ابتسم وكرص خدي يضحك

فاروق : كنانو راح تجيك اخت دير بالك عليها صيرلها سند خاف اموت مو تتلطلط مثل ابوك

كنان : ماشي بابا

روح : ما ادري شبيه رجعت للبيت حضني بالحديقة وباسني من ركبتي يهديني

فاروق : لتفكرين بطلي تفكرين

روح : ابدل واجي

فاروق : ابدلج

روح : لا كل واحد يبدل النفسه ..

_ صعدت فوك طبيت للغرفة بدلت وطلعت باوعت من الشباچ فاروق بالحديقة يصيح وعيونه بكصته سألت نرمان

نرمان : ما ادري من يصعدون نفتهم

روح : رجعت مركز وياهم

فاروق : اذا وصلت اكسحها ماعدها ولد يمي كللها ابنج مات من يوم الجبتي بالمستشفى ..

يتبع ...

روحو للانستا اشتركو بالمسابقة القائمة حالياً وبالتوفيق الكم ..