على قمة الحكيم ( الجزء الثاني )

البارت الرابع والثلاثون

نزار : والله

نرمان : عرفت يجذبون عليها لان حالتها النفسيه سيئة لدرجة غير متوقعة

حكيم : كومو نامو يله كافي بعد

روح : راحت نرمان ورجلها للغرفة والجهال بقو يم نزار حسيت بتعب وجسمي مكسر اريد انام .. دخلت للغرفة شمرت نفسي على السرير مجرد اشتميت ريحته بيها حسيت بوجودة حضنت مخدته وغمضت عيني

_ هستوني غفيت حسيت بحركة مثل شي صعد على الجرباية صارت دوسة بصف رجلي فتحت عيني شفت بزون اسود لحس ايدي صرخت بكل قوتي

_ يممممممةةةةةةة كشششششش كششششش وخررررر عنييييي

نزار : شكووووو منوووو يمج

روح : كمزت من السرير وطلعت بدون حجاب اريد اوكع على وجهي حجيت وبجيت .. طب بزون من الغرفة يمكن من الشباج لحس ايدي اييييع

نزار : وين اوكفي على صفحة ..

روح : فات للغرفة وشغل الضوة وخر البردة وفتح الشباج تفحص كل زاوية ورجع طلع باوعلي واندار مدنك

نزار : متوهمة

روح : لا لا والله شفته بعيني .. طلعت نرمان مبين جانو نايمي وراها زوجها

نرمان : اسم الله شبيج

روح : بزونه فاتت للغرفة

نزار : والله ماكو شي

حكيم : سمي بسم الله وروحي نامي احنى طابق ثاني شلون طبت متكليلي

روح : اي تسلق

نزار : يمعودة بزونه مو سحلية

روح : عافوني وراحو بقت نرمان مبين النوم بعيونها تغفي باوعت عليها

نرمان : انام يمج ؟

روح : اي حبابة

نرمان : امشي

روح : دخلنه للغرفة نامت بجهه الشباج ونمت بمكاني كل شويه اشيل راسي خاف اجتي لميت رجلي طابكتها حتى متصير قريبه علية

_ للصبح بقيت كاعدة لحد ما طلعت الشمس يله حسيت بالامان وكدرت اغفى

نرمان : اششش لطلعون صوت ابد

كنان : ليش بابا بالسجن ومرته صرعتنه بالليل تخاف من الجني باوعيني اصغر منها ما اخاف من الجني

نرمان : انت صاير رجال ولسانك اطول منك مال شياب

علي : واني

نرمان : انتُ اعز ما املك

علي : اعز من بابا

حكيم : جاوبي

نرمان : يمة شوكت كعدت

حكيم : هسه وراح اطلع عندي شغل قيامة .. بس جاوبيني بالاول