الفصل الرابع عشر
هبطت والدة زياد ورنا بسرعة الى الطابق السفلي ليجدا زياد أماميهما ينظر إلى والدته بنظرات غاضبة مشتعلة قبل أن يقترب منها ويهتف بعدم تصديق فوالدته تخطت المسموح بأكمله وتجاوزت حدودها وفعلت ما لا يغتفر :
" وصلت بيكي للدرجة دي ..؟! تجهضيها غصبا عنها .."
ردت الأم مدعية القوة أمامه :
" امال اسيبها تلبسنا طفل مش مننا ..؟!"
" الطفل ده كان ابن علي ..."
صرخ بها بصوت جهوري حاد وقد أوشكت حباله الصوتيه على التمزق من شدة صيحته ...
بينما اهتز جسدي الأم ورنا خوفا من غضبه وصراحة الذي كاد يمزق طبلة أذنهم ...
" زياد اسمعني .."
قالتها الأم بترجي وهي تقترب منه وتحاول لمس وجهه ليصيح بها :
" متلمسنيش ، انتي عملتي جريمة ولازم تتحاسبي عليها ..."
صاحت رنا به:
" تتحاسب يعني ايه ..؟! انت اتجننت ..؟!"
" ايوه اتجننت ، بسبب عمايلكوا .."
قالها زياد بقهر لترد الأم بتوسل :
" يا زياد انا عملت كده عشان مصلحتكوا، البت دي قتلت علي أخوكوا وانا كان لازم أمنع أي رابط يجمع بينا وبينها ..."
أيدتها رنا فورا :
" معاها حق على فكرة .."
" انتوا لا يمكن تكونوا ناس طبيعيين ، لا يمكن .."
اقتربت رنا منه وهتفت بقوة :
" انت اللي بقيت مش طبيعي ومش واعي لتصرفاتك ، افتكر دي تبقى مين وعملت ايه ، ولا خلاص حبك ليها عماك عن حقيقتها ، دي مجرد عاهرة بتبات كل يوم فحضن رجل .."
صفعها زياد على وجهها بقوة وهو يهدر بها بعنف :
" اخرسي ، اخرسي ومتفتحيش بقك بكلمة ...."
وقفت الأم أمامه وهي تصيح به محذرة :
" مش هسمحلك تمد إيدك على اختك يا زياد ..."
رد زياد بفتور:
" انتي ارتكبتي جريمة فحق زينة وانا مش همنعها إنها تبلغ عنك لو قررت تعمل ده .."
نظرت الأم الى رنا بتوتر بينما شمخت رنا برأسها عاليا وهي تقول بغل :
" طب تجرب تعملها وانا والله لأبلغ عنها عمامها في البلد يتصرفوا معاها .."
" للدرجة دي الشر والحقد عماكي يا رنا ..؟!"
قالها زياد غير مستوعبا أن الواقفة أمامه تهدده هي رنا أخته بينما ردت رنا بتهكم :
YOU ARE READING
عندما فقدت عذريتي
Historical Fictionتجمدت الحروف على شفتيها،لم تستطع قول اي شيئ،فأي كلام سيبرر ما حدث....
