_هزت راسهه جنان وردت باوعتلي
جنان:هاي بعدچ گاعده ولچ يله
_مااريد جنان عوفيني عليچ الله خايفه
جنان:هههههه ياا منين خايفه
_درت وجهي عنهه مصبره روحي ماابچي
فرحه:عوفيهه مستحيه عود ولاچنهه هي الذابه روحهه ذبه علي
_انداريتلهه متخوصره تحچي بشماته مبتسمه تك خد بااستهزاء تقدمت جنان تخوصرت ووگفت گدامهه
جنان:كلمن يشوف الناس بعين طبعه
فرحه:ههههه انه عندي اهل وزفوني لبيت رجلي بديهم
_طاحت دموعي تقدمت عليهه جنان سمعنه صوت وحده جاي من برا انفتح الباب طبت بنيه لافه عباتهه على بطنهه عيونهه مورمه من البچي
_باوعت للواگفات اجت عيونهه عليهه مشت بااتجاهي بخطوات ثگيله فاتحه عيونهه بصدمهه عيونهه على فستاني الابيض صارت قريب وگفت جنان بيناتنه
هبه:زوجتنه؟؟؟زوجتنه وارتاحيتن استغليتن انه ماكو
_تدگ على صدرهه تحچي بصياح
جنان :حسچ نصي لا يسمعچ ويجي وانتِ شردچ مو زعلانه
هبه:ولچ جنينه ازعل يومين تگومين تعرسيله كله منچ سوالفچ اعرفهه
جنان:هيووو اللسانچ انه شكو هو تزوج اروح اگله والله ماتعرس اله تروح تاخذ أذن من حظره جناب الملكه
هبه:الله يحرگ گلبچ مثل ماحرگتي گلبي
_رافعه اديهه تدعي على جنان
هبه:وانتِ فريحه رضيتيهه يجيبلچ الثانيه ماعدچ كرامه
فرحه:خلينه الكرامه الچ ردي زعلانه لو انه منچ اتطلگ
هبه:اي اتطلگ حتى تخلصين من وحده موو
جنان:حسچن انتِ وياهه لا يجي يسوي عرس اسود عليچن منا الوادم استحن
هبه:ان شاءلله عرس اسود عليكم وماتتهنن بي ومايشوف الخير
_تتهاد وي جنان تريد توصلي وجنان مانعتهه
هبه:ان شاءلله مايلحگ يتهنه بي گولي امين
_دفعتهه جنان بقوه شمرتهه بعيد
جنان:لا تدعين على ابوي لا اشگ حلگچ ام السحوره اذا مااخلي يطلگچ
_گامت تقدمت على جنان بسرعه تراجعت عنهن بخوف كلشي بيه يرجف فوگ الخوف البيه
هبه:انه يطلگني يجنينه چاا خوش اذا مااخليچ تمشين تحاچين روحچ المسودنه
_تكافشن بيناتهن وگفت بيناتهن فرحه وفطيم يحاجزنهن
فرحه:خايبات حسچن لا يجي يشحتنه كلنه وين نولي بهالليل
_ذيچ مچلبه بهدوم جنان تريد تلوحهه وجنان تدفع بفرحه تريد توصلهه صوتهن عالي ابتعدت حاطه اديه على اذاني انه شجابني شسويت بروحي
أنت تقرأ
مُهره الشيخ ثابت
Mystery / Thrillerهيَ مهُرةٌ عنيده لا يُمكن ترويضها بسهوُله وهوَ شَيخٌ ضالم لا يهابُ احدً بل الجميعُ يهابُه الاثنانْ مزيجٌ صعبْ لايُمكن وصفهُما هُما كَ أقطاب المُغناطيس المتشابهَ كُلما تقابلا تنافرا أكثر _بقلمي :الكاتبه مريم (MRsh) #ماعندي مانع بنشرهه بااي گروب او...
الحلقه السادسه عشر
ابدأ من البداية
