Paradise In Your Eyes (Street Series #6)

Chapter 1

Chapter 1: Ligaw

I like him.

Sigurado ako sa nararamdaman. Tahimik itong lumago at nagbunga hanggang sa hindi ko na kaya at gustong gusto ko nang umamin sa kanya.

"So kailan ka aamin?" 

"Hindi ko alam. Hahanap muna ako ng magandang tiyempo,"

It all started when we were in Grade 9. I thought it was only a simple and short attraction and eventually I would get over him but boy I was wrong. 

I don't know but I purely believe we're meant to be. Napapansin ko na tadhana na talaga ang gumagawa ng paraan para magkaroon kami ng interaksyon.

If life was a movie...we have a lot of scenes and all those scenes will make me fall in love with him.

"Ang dami sigurong madidismaya lalo na ang mga babaeng nagkakagusto sa'yo kapag nalaman nilang hindi babae ang gusto mo," komento ni Jude, isa sa mga matalik kong kaibigan simula grade 7.

Inisip ko iyon. Nakilala ako sa Casa High School bilang campus crush dahil na rin pambato ako lagi sa tuwing may contest na ang labanan ay mukha at karisma. 

Hindi ko masisisi ang ilang tao kung tunay na lalaki ang tingin nila sa akin. I'm not very vocal and expressive when it comes to my identity. Maybe they think I’m straight because I dress and act like it but I act naturally and in a way I would feel comfortable. 

"Paminta," minsan condiments pero madalas iyan ang tawag sa katulad ko.

Well I'm not pa-men. Lalaki ako kung kumilos at natural iyon sa akin pero kailangan ba kapag hindi ka straight ay palong palo ka dapat? Nagsusuot ng pambabae at make up? Para saan? Para gawing katatawanan at entertainment ng mga heterosexual. 

Wearing girl’s clothes and make up is fine when you’re a gay but they should understand that it’s not applicable to all homosexual. We all have different ways to express ourselves but I think we don’t have to explain our art. 

"Lalo na si Joanna! Crush ka raw no'n!" 

Buntong hininga lang ang nasasagot ko sa mga sinasabi nila. May dapat ba akong gawin para sa mga taong nagkakagusto sa akin? Wala. I didn't ask them to like me but I appreciate it. Kung madismaya man sila ay problema na nila iyon.

Umayos ako ng upo nang makita si Arkus na naglalakad kasama ang mga kaibigan niyang babae. Even from afar, he looks so cute and handsome. The hairstyle, height, skin tone, narrowed nose, chinky eyes, and everything about him is making me crazy.

Dumapo ang tingin niya sa banda namin. Ngumiti ito kaya napalunok ako at umayos pa lalo ng upo.

"Shet tinitigasan na!" tukso ng mga kaibigan ko dahil siguro sa point of view nila ay mukha na akong asong naglalaway.

Sinamaan ko sila ng tingin kaya tumikom ang bibig nila pero natatawa pa rin.

"Hindi ko siya nagustuhan dahil d'yan," giit ko.

"Pero darating din kayo doon," banat nila.

Halos umirap ako.

"Pero masyado pang maaga para isipin 'yan. Alam niyo kaya ang daming batang ina o batang ama eh! Masyadong napaaga ang pag romanticize nila ng sex! Hindi ba pwedeng highschool love story muna?" I said with conviction.

"Kung makatingin ka naman kasi!" si Jude.

"Masaya lang ako at kinikilig!" depensa ko.

Malapit nang matapos ang recess kaya naglakad na kami pabalik sa room pero bumagal ang lakad ko at hindi iyon napansin ng mga kaibigan ko.