مفاهيم كتير ومصطلحات وأمثال بنقولها وأحنا مش واخدين بالنا أو اننا اخذناها عن اجدادنا وآبائنا بدون ما نعرف أصلها ، والحقيقة منها ما هو شركية أو بدعية أو محرمة أو آية حملت على غير معناها أو حديث لا أصل له أو ما شابه ذلك أو خرافة لا أصل لها
أول حاجه وأهم حاجة واكتر حاجه لفتتني وفيه كتير بيقولها وهو مش واخد باله لما تبقا بتكلم حد ويقول ( والنعمة ..والمصحف .. والكعبة ..والنبي )❌
دا شرك قطعاً ، ولاحظت لما كام حد قولتله كدا انه قالي مفيش الكلام دا وان دا حلفان عادي مفيهوش حاجه ! لا الحلف بغير الله شرك؛ لقول النبي صلى الله عليه وعلى آله وسلم: «من حلف بغير الله فقد كفر أو أشرك»، لكن للمعلومة هو ليس شركاً أكبر مخرجاً من الملة، بل شرك أصغر، إلا أن يقع في قلب الحالف بغير الله، أن منزلة هذا المحلوف به اللى هو المصحف او الكعبة او النبي كمنزلة الله - تعالى - والعياذ بالله فحينئذ يكون شركاً أكبر بناء على ما حصل في قلبه ..
تاني حاجه لما مدرس أو أى حد عمتا يعني يقولك :"المادة لا تفنى ولا تزول ولم تخلق من عدم" ❌
دا كفر .. كل شيء في السموات والأرض سوى الله فهو مخلوق من عدم (الله خالق كل شيء)
تالت حاجه " فلان ربنا افتكره " ( أي مات )❌
إذا كان المراد بذلك أن الله تذكر ثم أماته فهذا كفر
لأنه يقتضي أن الله ينسى، والله لا ينسى ( وما كان ربك نسياً)
رابع حاجه.. سمعت في مرة إن لما حد رجله تتخدر " تنمل "
وحد يسأله " ماهي احي الاسماء اليك ؟ ف لو قال : محمد
الخدر أو التنميل اللى في رجله بيروح !❌" ولا سحر ولا شعوذة" 🙂🙂
.. ولما بحثت عنه لقيت ان هذا أثر ضعيف
والأدهى ان لقيت ان الصوفية زادت وقالوا (يا محمد) ودا شرك أكبر والعياذ بالله .. فانتبهوا
خامس حاجة ( لو اعتقد أحدكم في حجر لنفعه)❌
هذه دعوة صريحة للشرك الأكبر فالله وحده هو الذي بيده الضر والنفع (وإن يمسسك الله بضر فلا كاشف له إلا هو..) وأنا لسه بقول أن مجرد أن الشيء المذكور او المحلوف بيه او المعتقد فيه وقع في قلبك ان منزلته كمنزلة الله او يضر وينفع ف دا شرك اكبر
وسادس حاجه دي كنت بقولها كتير وانا صغيرة 😅 بس كنت بقولها بطريقة تانية 😁
" يا شمس خدي سنة الحمار وهاتي سنة الغزال "❌
العبارة دي يقولها بعض الصغار وهو يرمي سنّه المخلوع باتجاه الشمس
دعاء غير الله، وهو شرك أكبر لانك بتقول " يا شمس " بس طبعاً دول اطفال لكن لازم ناخد بالنا لان من شب على شيء شاب عليه وهيعلموها لأولادهم وخصلتين في الاهالي بقا 😅
سادس حاجه ودول عبارتين مستفزين بشكل (يا أرض احفظي ما عليك - يا ابليس فك الكيس. (تقال عند فقد شيئاً ما)❌
دا كدا دعاء غير الله وهو من الشرك الأكبر بس أنا مسمعتهاش كتير يعني بس بردو من باب العلم بالشيء
سابعا أنا داخل على الله وعليك-مالي إلا الله وأنت -لولاالله وفلان ❌
نفس الشيء بردو من الشرك الأصغر الأصح اننا نقول " أنا داخل على الله ثم عليك ، مالي الا الله ثم انت - لولا الله ثم فلان
ثامن شيء ( امسك الخشبة.❌
(تقال عند الخوف من العين)
عبادة هندية يقدس أهلها الأخشاب فإذا حلّ بهم خوف تمسكوا بالخشب زعماً أنه يحميهم ودا طبعا بلا شك جهل وتخلف نسأل الله السلامة
تاسع شيء توكلت عليك-توكلت على الله ثم عليك❌.
التوكل عبادة قلبية.. ، لا تصلح إلا لله وماينفعش نربطها بمعبود ..
خمسة وخميسة 🖐🖐 انا عن نفسي كنت بخمس كتيير 😂
(لرد العين)❌
السبب في العادة دي ان سورة الفلق(٥) آيات، وتقرأ لإتقاء العين، فكسل بعض الناس عن قراءتها، واستبدلوها بهذه الجملة
وهذا ليس بتحصين ..
وأخيرراا جملة كلنا تقريبا بنقولها الا من رحم ربي وهي ( الله يخليك )
الله يخليك دى قرأت فيها قولين
القول الاول انها تحمل معنى عكس معناها والمقصود بيها ان ربنا يحفظك لكن يخليك دي من التخلّى وهو الترك فنقول الله يديمك أو الله يحفظك
والقول التاني نقلته نصاً: ان جملة الله يخليك مشهورة على ألسنة الناس، ويراد بها أدام الله بقاءك، والمقصود بها الدعاء بطول العمر، وقد نقل شيخ الإسلام ابن تيمية كراهة الدعاء بذلك، فقال رحمه الله: أما الدعاء بطول العمر: فقد كرهه الأئمة، وكان أحمد إذا دعا له أحد بطول العمر يكره ذلك ويقول: هذا أمر قد فرغ منه، وحديث أم حبيبة ـ رضي الله عنها ـ لما طلبت إمتاعها بزوجها وأبيها وأخيها، فقال لها النبي صلى الله عليه وسلم: سألت الله لآجال مضروبة وآثار مبلوغة، وأرزاق مقسومة، ففيه أن العمر لا يطول بهذا السبب الذي هو الدعاء فقط.
والله اعلم ♥️
