ما وراء الأبواب

النـــهـايـة

ليا : رغم كرهي الجن بس الصراحه ابقى احبجن جانت امنيتي تصير عندي اخت والله عوضني بيجن سبع خوات أبدال الوحده

حُذام : يابعد روحي

شمس : اهوو راح تبجيني تعاي

التمن عليه حضنني
ليا : جعل ما انحرم منجن الحيايه

البنات : ولا منج العكربه ههههههههه

ليا : هههههه امشن نرجع يلا

شمس : يلا امشي

نزلنه راجعين المكانه شفنه سالم جاي علينه
سالم : وين صرتن يلا امشن

ليا : اي هوو احنا اجينه حتى نرجع

سالم : تونستو ؟

شمس : اي والله هواي تونسنه

شيار : صار زمان ما طالعين هيج سفره

سالم : ان شاء الله كل فتره نطلع

واحنا نمشي وصلنه المكانه ليا شافت سالم عافت وسام واجت تركض وتصيح

ليا : بابااااا بابااااا

سالم بس شافها ضحك بصوت عالي
سالم : عيون ابوووج

دنك اخذها بحضنه وشالها
ليا : بابا احبكككككك

سالم : موش كثر حبي الج يابعد عيون ابووج

ليا : ترا اغارررر شنو هاي سالم بس ابووووي

التفت وضحك اجا جرني حضني وباس راسي
سالم : تبقى معزتج بكلبي تختلف عنهم كلهم

ليا : ابووويه

سالم : روح ابوج

حضنته ورجعنه المكانه
بقينه لليل يلا رجعنه للبيت اول ما وصلت رحت الغرفتي نمت ما كعدت غير الصبح على المنبه كمت سبحت وبدلت ونزلت شغلت سيارتي ورحت للدوام

اول ما وصلت صفيت السياره ونزلت امشي للمستشفى دخلت واني مبتسمه منو يشوفني يسلم عليه من الممرضين ويروحون

-صباح الخير دكتوره

ليا : صباح النور حبيبتي امج شلون صارت ؟

-الحمد لله دكتوره يوميه تدعيلج بالصحه والعافيه

ليا : يا كلبي الله يحفظها الج سلميلي هواي عليها

-يوصل دكتوره

ابتسمت ورحت دخلت المكتبي لبست الأبكوت ورحت كعدت بمكاني بين الشغل والمرضى خلص دوامي بالـ 2 الظهر

كمت لبست سترتي وطلعت راجعه للبيت
حياتي خلصتها بس للشغل واهلي

حُذام : كرار اكعد ماما

كرار : غيد فونج ماما

حُذام : هاك اخذه بس اسكت

انطيته التلفون وكعد بحضني رفعت راسي كلهم كاعدين وكل واحد عينه بجهازه جريت الريمونت اريد اباوع بالتلفزيون وما اشوف بس حسام طفر جر الريمونت وشغل اغنيه وكف بنص الصاله وعاط