ما وراء الأبواب

النـــهـايـة

شمس : عمه اصب البرياني

حسام : اي صبي كتلنه الجوع ولك بسام استون السمجات ؟

بسام : اي خلصن

ناز : صبي يمه

حُذام كلبت الدولمه وشمس صبت البرياني والبنات فرشن السفره كمت نزعت حذائي وتربعت بصف سالم

سالم : الله يساعدهم

ليا : هلاا حـبيبي

سلام : ابو عضد جاع

ليا : كلششش ههههه

بحر : ههههههه دومه ابو عضد جوعان

ليا : شسوي اكل وما اسمن

قمر : بختتت

ليا : قل اعوذ برب الفلق تف تف تف

وسام : كافي تفالج صار بوجهنا

ليا : مي ورد مي ورد هههههه

ناز : يلا سمو بسم الله واكلو

التمينه على السفره ناكل كلها جانت تضحك وتشاقه اول مره نطلع طلعه جماعية دعيت الله يديم الفرح واللمه علينه

خلصنه اكل وسالم اخذ الجهال يلعبهم
ليا : امشن يلا نروح نلعب ماطول الجهال راحو

شيار : وعمتي شلون تبقى وحدها

ناز : ما عليه شي روحن يمه اني كاعده هنا يم الغراض

سلام : احنا هنا روحن بس لا تتأخرن بسرعه تعالن

ليا : صار يلا امشن ولجن

شمس : اوكفي جنطتي اخذها لو ابقيها ؟

ليا : اخذيها شكو مبقيتها

اخذتهن ورحنه دخلنه للمراجيح صعدنه بالطابق الثالث بس النا نلعب ركضت صعدت بالمرجوحه وصرت اتمرجح

ليا : ههههههه تعالن يلا اصعدن

كوثر : نسوان جيس حب صاعدات مراجيح عبالك جهال هههه

شيار : يمعوده اشفنه من طفولتنه خلينه نتونس

شمس : اي والله كلشي ما افتهمت واني جاهله حتى المراجيح ما شايفتها

حُذام : هههههه اني حتى مدينة الالعاب ما جنت اعرفها شنو هيه

ليا : راحت هذيج الايام واحنا ولد اليوم انسن كلشي بالماضي وعيشن حياتج ويا العوض

شمس : الحمد الله على عطايا ربي

شيار : الحمدالله على جبره النا

حُذام : الحمد لله على عوض ربي رزقنه بزوج صالح وأطفال

الكل : الحمدلله

كل وحده صاعده مرجوحه وتتمرجح وتضحك من كُل كلبها ابتسمت على شكلهن ونزلت طلعت تلفوني وصرت اصور بيهن وحده وحده